Mañón, 15 de agosto, 2024. Este domingo 18 terá lugar o primeiro acto das XIV Xornadas Memoria dun Tempo: a descuberta da placa en homenaxe ao que foi alcalde de Mañón dende o 16 de marzo de 1936 ata que foi deposto polos golpistas a mediados de xullo dese mesmo ano.
Será un acto a celebrar fronte a que foi a súa vivenda no nº 5 da rúa Covas, en O Barqueiro, e no que participarán coa palabra o actual alcalde do Concello de Mañón, Alfredo Dovale; Carme e M.ª Jesús Armada, netas de Jesús Castaño, asasinado o 16 de abril de 1937 no Castelo de San Felipe xunto con 5 dos seus veciños: Jesús Verdeal Maseda, Germán Cervo Maseda, Jesús María Fernández Fernández, José Rivera Vieiros e Manuel Ventosinos Pereira.
Intervirán tamén o historiador e Catedrático de Historia Contemporánea da USC, Emilio Grandio; un representante de Nordés, asociación que presentou a proposta que despois foi aprobada por unanimidade no Pleno do Concello (PP e PSOE) o 25 de maio de 2023.
Tamén contarase pola parte musical coa participación de David Bellas, gaiteiro e profesor do Conservatorio Profesional de Música de Viveiro.
Nordés convida a toda a veciñanza do Barqueiro, á de todo o concello de Mañón, e a toda a xente que o teña a ben, a que participen coa súa presenza para facer cumprida homenaxe a Jesús Castaño Galdo, un home bo que só fixo cumprir coa que era súa obriga como demócrata e como alcalde sen empregar violencia nin derramamento de sangue.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
