O delegado visitou as instalacións da empresa en Castro de Rei
Castro de Rei, 4 de setembro de 2024. O delegado do Goberno en Galicia, Pedro Blanco, puxo hoxe a empresa Innolact, especializada na elaboración de queixos crema, como exemplo da oportunidade que representan as axudas do PERTE Agro para modernizar e facer máis competitiva a industria rural galega. Fíxoo durante a visita ás instalacións da empresa no polígono industrial de Castro Ribeiras de Lea, en Castro de Rei, na que estivo acompañado polo director xeral da firma, Sergio Martínez, e a subdelegada do Goberno en Lugo, Isabel Rodríguez.
Na mesma, Pedro Blanco aproveitou para animar ás empresas e pemes galegas a non deixar pasar a “oportunidade única” que supoñen as novas axudas do PERTE Agro, que se poderán solicitar a partir do 19 de setembro, por valor de 100 millóns de euros, ás que se sumarán proximamente outros 200 millóns da addenda en forma de préstamos “para transformar a nosa economía cara un modelo máis innovador, eficiente, dixital e sostible”.
O delegado destacou que a compañía, que comercializa os seus produtos baixo a firma Quescrem, “é unha empresa pegada á terra que leva a innovación por bandeira e referente no seu campo a nivel internacional, dando traballo a máis de 100 profesionais”. “Unha empresa que contou en todo momento co apoio do Goberno, primeiro a través do CDTI e agora co PERTE Agro”, apuntou.
A este respecto, indicou que Innolact é unha das empresas beneficiarias do PERTE Agro, xunto con outras firmas galegas que participan en proxectos que suman 54 millóns de euros de investimento do Goberno. En concreto, a compañía lucense recibe 734.704 euros no marco do proxecto AccelerEAT, no que tamén participa a galega Hifas da Terra, e que suma axudas por valor de 19 millóns de euros.
Entre as actuacións a financiar con cargo ao PERTE figuran a investigación de novos ingredientes e novos materiais e envases sostibles para o sector alimentario elaborados a partir de subprodutos; a creación dun xemelgo dixital para reducir ineficiencias no proceso de produción de produtos lácteos; a implantación de blockchain e códigos QR para rastrexar e garantir a seguridade alimentaria, ou a introdución de robots colaborativos nas liñas de envasado, etiquetaxe e almacenado para a optimización dos procesos.
Estes cartos veñen a sumarse aos recibidos pola empresa para distintos proxectos financiados polo CDTI con fondos FEDER, cos que, en conxunto, mobilizaron investimentos en materia de investigación, innovación e desenvolvemento por valor de máis de 3,3 millóns de euros.
Como sinalou Blanco, “son proxectos que permiten transformar a industria galega, apostar por produtos de maior valor engadido e consolidar o tecido produtivo no medio rural”. Na mesma liña, engadiu que “son un exemplo máis de que os fondos do Plan de Recuperación do Goberno chegan a todos e cada un dos concellos galegos, con investimentos chamados a mellorar a vida das persoas e a transformar a economía do país e das zonas rurais”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
