Fai tempo que a política deixou de ser dereitas, esquerdas, de centro, nacionalistas ou calquera das siglas que un partido presenta á sociedade nas pequenas e medianas poboacións da nosa comarca e polo tanto do resto do Estado (Claro que iso é unha apreciación persoal).
Na Mariña, por suposto, ocorre máis do mesmo, e se se me permite aínda con maior forza.
Aínda que é certo que hai siglas políticas de gran renome nacional ou galego, ao final a xente vota ás persoas que hai detrás desas siglas e esquécese dos partidos.
Hoxe a xente coñece á persoa que hai detrás do político máis que en ningunha outra etapa da historia do noso pobo, e iso en gran medida, débese aos medios de comunicación sobre todo locais e dixitais que xurdiron coas novas tecnoloxías e que por outra banda, son moi visitados pola poboación.
Algúns concelleiros, souberon aproveitar o tirón mediático que iso supón, e que estou seguro axudáselles a conseguir máis votos nestas próximas eleccións municipais.
Esta nova etapa promete ser unha das de maior disputa pública por parte dos nosos concelleiros, e iso será benvido en aras da transparencia dos nosos gobernantes, porque as súas reflexións, os seus pensamentos, as súas opinións, si e que as teñen, que moitas veces o dubido, e en definitiva os seus debates, coñeceranos de inmediato unha gran maioría da poboación.
Debates, que só podían ser seguidos nos plenos municipais, e que salvo os pequenos titulares nos xornais, se había algún que suscitase un gran interese , estes, non nos enganemos, non chegaban con claridade, nin de forma inmediata ao resto dos cidadáns.
Así pois debemos celebrar que hoxe máis que nunca se produzan debates abertos cara á galería que é onde nos sentamos as persoas correntes, para ver como é o transcorrer da vida dos nosos pobos, e alí é onde as cousas que ocorren forman parte da nosa cotidianidade.
Non me gustan as persoas, os políticos que sexan monicreques dunhas siglas movidas por quen sabe cantos fíos.
Gústanme os que se mostran tal e como son, prevalecendo o ser humano que levan dentro por encima dos nomes dos partidos políticos. E si é que voto, terei iso moi en conta a hora de depositar o papeliño na urna de metacrilato, por certo e ¿porque os concelleiros de Cervo non piden a Feijóo que faiga as urnas de porcelana para afrontar a crise?. Cousas peores vironse nesta Galicia irredenta e caziquil¡¡¡¡
Otero Regal
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
