Foz, 22 de novembro de 2024. O Concello de Foz rematou as obras para mellorar os baños e o posto de socorro na praia da Rapadoira.
A concelleira de Turismo, Kathy Navarro, anuncia que “remataron as obras do posto de socorro e dos baños da praia da Rapadoira, totalmente necesarias e que demandaba o equipo de socorrismo e os usuarios da praia. Procedeuse a renovar a fontanería, electricidade, pintura, alicatado e portas, tanto interiores coma exteriores, así como a instalación dunha ducha para uso do equipo de socorrismo”.
“Esperamos poder continuar con máis actuacións deste tipo dende a Concellería de Turismo”, rematou Kathy Navarro.
E o alcalde de Foz, Fran Cajoto, destaca o traballo da concelleira na solicitude da subvención e no seguimento dos traballos e explica que “a lexislatura pasada, grazas ao compromiso do Ministerio de Transición Ecolóxica, executouse o paseo entre Peizás e Pampillosa, orzamentado en 1,09 millóns de euros; diversas melloras na praia de Llas, por 412.000 euros; ou o miradoiro da Tamaniña, a senda no portiño de Nois ou a adecuación do entorno na Pampillosa, cun importe conxunto de 200.000 euros. E agora continuamos con esta reforma, de algo máis de 38.000 euros, financiada integramente por fondos Next Generation da UE xestionados pola Axencia de Turismo de Galicia”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
