Ribadeo, 29 de novembro de 2024. O 30 de novembro arrinca o Nadal en Ribadeo. Hoxe foi presentada a programación no Parque de San Francisco.
O alcalde, Dani Vega, manifestou que “chega o Nadal e toda unha programación repleta de actividades. Comezamos esta fin de semana, o dia 30, acendendo o alumeado que terá lugar ás 19:00 horas na confluencia das Catro Rúas. Tamén comeza o Mercado de Nadal. E a partir de aí todo un mes cheo de actividades que debemos agradecer aos colectivos, ás asociacións e tamén aos técnicos municipais. O Nadal en Ribadeo está saíndo moi ben por segundo ano porque hai unha organización, hai unha programación, pero tamén hai unha colaboración por parte de todos. E iso é de agradecer a colectivos, asociacións e a todos os técnicos municipais”.
O rexedor dixo: “nestes segundos de explicación é imposible resumir todo o que temos neste mes. Pero si destacar que temos actividades culturais, lúdicas e empezamos disfrutando das actividades, como poden ser a pista de xeo, o Ribaxogo, o chan interactivo ou os obradoiros educativos para todas as idades. A partir de aí tamén hai festivais, como pode ser o jazz. Queremos agradecer todo o traballo, que fai a organización, o Concello e a Xunta colaboran; ou o Vendaval, con ese Galiñeiro do Vendaval; a festa do pre fin de ano; a actividade que tamén está a realizar o Xara, esa música que está tamén para todos os públicos e de verdade que agradecemos todo ese traballo; a Papanoelada, que por vez primeira fai o Concello de Ribadeo. Animamos a todos os moteiros da zona a que participen nesa Papanoelada que vai arrincar de Ribadeo ata Rinlo”.
Vega indicou: “esta é a actividade que temos. Hai que destacar e quero agradecer todo o traballo que fai a Asociación Saúde Mental A Mariña, que vai a traer a súa actividade, ou tamén os dous actos importantes tamén desde un punto de vista nacional e internacional, Tadeo Jones, que é un musical que vai vir a Ribadeo ou o mago Mag Lari”.
Para Dani Vega: “é un Nadal preparado para todos os públicos que quere acoller moitas persoas que veñan a Ribadeo a escoller os regalos e tamén a vivir con nós estes días e a todos os veciños participar das actividades que fai o Concello. Polo tanto, un Nadal cheo de actividades, tamén destacar o traballo da Acisa, con ese sorteo que facemos ao rematar xa o Nadal, e tamén agradecer á Cabalgata de Ribadeo o traballo que fai e que ano a ano a temos aí. Entre todos, repito, fixemos un Nadal cheo de actividades, con moita programación, con moito sentido, con moita responsabilidade e animamos a todos a participar do Nadal, do gran Nadal que ten Ribadeo”.
A presidenta de Acisa, Carmen Cruzado, sinalou que “hai motivos dabondo para vir a Ribadeo a gozar do Nadal, a facer as compras e a saborear a gastronomía destas datas. Estamos convencidos de que Ribadeo será de novo un referente turístico e comercial durante estas especiais datas, que agardamos que sexan un éxito para todo o tecido empresarial ribadense”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
