Burela, 6 de decembro de 2024. A Fundación Expomar organizou este xoves 5 de decembro a segunda edición do chamado “Día do Orgullo Mariñeiro”, que volveu combinar a divulgación nas escolas, a exaltación da cultura mariñeira e a gastronomía do mar.
Esta celebración naceu hai un ano para poñer en valor a importancia da cultura mariñeira de Burela, polos 101 anos recentemente cumpridos de historia da confraría de pescadores, pola importancia da lonxa de Burela a nivel rexional, nacional e europeo, pola relevancia dos provedores locais no comercio pesqueiro ou pola puxanza do sector estaleiro, entre moitos outros activos non materiais.
A xornada comezou ao mediodía con “Orgullo Mariñeiro nas Escolas”, unha iniciativa coa que a Fundación Expomar repartiu nos comedores escolares de oito colexios públicos de toda A Mariña Lucense máis de 700 racións de filetes de “Merluza de Burela” nos seus menús do día.
A presidenta da Fundación Expomar e alcaldesa de Burela, Carmela López, e o director xeral de pesca da Consellería do Mar da Xunta de Galicia, Antonio Basanta, participaron na xornada visitando a cociña do colexio CEIP Península da Paz de San Cibrao e o comedor escolar do CEIP Plurilingüe Virxe do Carme de Burela. Nestas visitas estiveron acompañados da alcaldesa de Cervo, Dolores García, da xefa territorial da Consellería do Mar, Mariña Gueimunde, e do xerente da Fundación Expomar, José M. Gonzáles “Brais”.
Os centros educativos que recibiron pescada da lonxa de Burela nos seus comedores a través das empresas habituais de cáterin, Eurest e Twitty, foron o CEIP Plurilingüe Virxe do Carme e CEIP Plurilingüe Vista Alegre de Burela; o CEIP Plurilingüe de Foz Número 1; o CEIP Península da Paz de San Cibrao; a Escola de Educación Infantil San Roque, o CEIP Lois Tobío e o IES María Sarmiento de Viveiro; e o CEIP Antía Cal Vázquez de Muras.
A segunda parte da xornada, “Orgullo Mariñeiro na Memoria”, celebrouse pola tarde no auditorio da Casa dá Cultura de Burela e consistiu nunha charla-coloquio titulada “Mirando a popa e mirando a proa”, guiada por Martín Piñeiro, subdirector do Correo Galego, na que distintas persoas vinculadas á historia do Mar de Burela falaron das súas experiencias.
As charlas dividíronse en dous bloques: en “Mirando a popa” fíxose unha retrospectiva da historia do porto de Burela, coa intervención de Herminia Pernas, cronista oficial de Burela; Loli Sueiras, familia de mariñeiros e armadores; Narciso González, primeiro concelleiro de Mar de Burela; e Manolo Casas, mariñeiro sobrevivente do naufraxio do “Reina Victoria”.
A continuación, en “Mirando a proa” púxose en valor a importancia actual do porto de Burela e do seu futuro, coa intervención de Abelardo Basanta, presidente de ABSA; Xusto García, xefe de cuberta da lonxa ABSA durante 25 anos; Begoña Pernas, presidenta da cooperativa de estibadoras “O Cantiño”; e Basilio Otero, patrón maior de Burela, presidente da federación provincial de Lugo e presidente da federación nacional de confrarías de pescadores.
Durante o evento proxectáronse diferentes imaxes da historia do porto de Burela, un audiovisual sobre Armadores de Burela e un fragmento do documental gañador en 1996 dun certame autonómico de vídeos do mar: “El mar nuestro de cada día”, con imaxes de Sergio López Maseda e montaxe de Julio López.
O broche final á xornada cultural puxérono o director xeral de Pesca da Consellería do Mar da Xunta de Galicia, Antonio Basanta, e a presidenta da Fundación Expomar e alcaldesa de Burela, Carmela López.
A continuación, “Orgullo Mariñeiro Musical” coa actuación do grupo musical “Medio Quinhón”, que serviu de ligazón entre o acto no auditorio e a festa gastronómica, xa que acompañaron ao público desde a Casa da Cultura ata a carpa na Praza da Mariña.
Alí iniciábase pasadas as 8 dá tarde “Orgullo Mariñeiro na Praza”, unha celebración gastronómica popular dentro da carpa de Nadal de Burela, cunha degustación gratuíta de diferentes pratos elaborados coas principais especies da lonxa de Burela: empanada de Bonito de Burela, salpicón de pescada e Merluza de Burela en salsa.
Como novidade este ano celebrouse tamén o “Orgullo Mariñeiro nos Bares”, uníndose á promoción gastronómica 15 locais de hostalería de Acia Burela, co obxectivo de ir abrindo cada vez máis esta celebración a máis xente e poder chegar a todos os públicos, e que ofreceron diferentes tapas e pratos de “Merluza de Burela”.
Desde a xerencia da Fundación Expomar agradécese toda a colaboración prestada desde a Consellería do Mar da Xunta de Galicia, do Concello de Burela e de todas as entidades que forman o Padroado da Fundación, sen a que non sería posible levar a cabo este tipo de iniciativas.
Esta acción está organizada pola Fundación Expomar coa colaboración do Concello de Burela, e cofinanciada pola Xunta de Galicia e o Fondo Europeo Marítimo, de Pesca e de Acuicultura (FEMPA).
O Concello de Navia presenta este sábado 28 de febreiro, ás 12:00 h no Casino, o libro Tras las huellas de Campoamor en Alicante, de Luján Martínez Suárez. Ademais, adquiriu un valioso volume da RAE de 1865, que inclúe un discurso seu orixinal. O exemplar incorporarase á Biblioteca Municipal, ampliando o fondo dedicado ao poeta.
O Dúo Eclipse será o encargado de poñer a música nunha nova tarde-noite chea de ritmo, baile e bo ambiente no Guateque de Arruguiñas. A cita é este sábado, 28 de febreiro na Casa do Mar de San Cibrao ás 19:30 h. Ademais, o alumnado de 2º de Bacharelato, en colaboración coa Oficina de Voluntariado Xuvenil, ofrecerá bingo e chocolate para completar a festa. O evento conta tamén coa colaboración da Asociación de Xubilados Terramar.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándido Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
