As empresas adxudicatarias prestarán o servizo durante un período de 10 anos e realizarán unha inversión de máis de 2 millóns de euros para mellorar o servizo proporcionado aos veciños e veciñas
Vilalba, 20 de decembro de 2024. O Concello de Vilalba aprobou no pleno extraordinario celebrado na mañá de hoxe a adxudicación do novo contrato para o servizo de recollida de residuos urbanos e limpeza viaria, un dos máis salientables da presente lexislatura.
O goberno local, co apoio do Bloque Nacionalista Galego e a abstención do Partido Popular, aprobou a proposta de adxudicación da mesa de contratación, que outorga o contrato á UTE conformada por Garbialdi SA e FCC Medio Ambiente SAU por un importe de 18.076.498 euros para un período de 10 anos.
A alcaldesa, Marta Rouco, defendeu na sesión plenaria “a importancia de mellorar o servizo de recollida do lixo e da limpeza viaria a través da inversión de 2,4 millóns que levarán a cabo as empresas adxudicatarias para renovar a maquinaria, os vehículos e, en definitiva, o servizo que se presta aos veciños e veciñas”.
Nesa liña, a rexedora salientou que “a renovación dos vehículos permitirá que aquelas vivendas nas que non tiñan colectores porque os camións de recollida non podían acceder, agora conten con ese servizo nas proximidades das súas casas”.
Ademais, o Concelleiro de Servizos Municipais, Eduardo Vidal, deu conta das importantes melloras que achega este novo contrato de recollida de residuos urbanos, no que se inclúen “4 recolectores, 1 camión con grúa e plataforma, 1.340 colectores de carga traseira e lateral, carros e vehículos eléctricos para a mellora da limpeza viaria e 430 infraestruturas e bases de formigón para fixar os colectores, entre outras”.
Pola súa banda, tamén o rural vilalbés se verá beneficiado deste novo contrato de recollida de residuos urbanos, pois incrementaranse os días de recollida nas parroquias e nos núcleos de O Santo, Goiriz, Lanzós e Guadalupe a frecuencia de recollida igualarase á do casco urbano.
“Temos que salientar que o contrato anterior estaba caducado dende o ano 2020, e as condicións databan do ano 2000, é dicir, non estaban adaptadas á realidade actual do noso Concello, polo que sacar adiante este novo contrato permitirá mellorar notablemente o servizo que se presta aos veciños e veciñas”, concluíu a alcaldesa de Vilalba, Marta Rouco.
RENOVACIÓN DE RÚAS NO CASCO URBANO
O segundo e último punto da sesión plenaria, o proxecto de renovación da capa de rodaxe da Rúa Rouco Varela e do tramo da Avenida de Cospeito entre a Rúa de Foz e a Rúa de Abadín, tamén quedou aprobado, neste caso por unanimidade.
En consecuencia, levarase a cabo o proxecto, cunha inversión de 35.000 euros. O que permitirá renovar a capa de rodaxe da Rúa Rouco Varela mediante unha capa de aglomerado en quente, así como renovar co estendido dunha nova capa de rodaxe o firme da Avenida de Cospeito, no tramo entre a Rúa Foz e a Rúa Abadín. Ademais, ámbalas dúas actuacións se completarán coa sinalización horizontal da estrada.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
