Alfoz, 22 de xaneiro do 2025. O Castelo de Castrodouro converterase no escenario da exposición itinerante “Á violencia de xénero dille… Non!”, unha actividade organizada pola Consellería de Política Social e Igualdade a través da Dirección Xeral de Loita contra a Violencia de Xénero. Esta iniciativa está enmarcada no programa contra a Violencia de Xénero do Concello de Alfoz, que busca sensibilizar á poboación sobre esta problemática social.
A exposición abre este mércores, ás 17:00 horas, cun acto inaugural no que estará presente o Director Xeral de Loita contra a Violencia de Xénero, Roberto Barba. O evento pretende ser un punto de encontro para reflexionar sobre a importancia de erradicar esta lacra.
O Castelo de Castrodouro permanecerá aberto aos visitantes de xoves a sábado, en horario de 15 a 18:30 horas e os domingos de 10:30 a 14 e de 15 a 18:30 horas. A exposición permanecerá aberta ata o 14 de febreiro.
Desde o Concello de Alfoz anímase a toda a veciñanza a asistir á presentación e a visitar a exposición, xa que “este é un tema que debemos traballar durante todo o ano. É importante reflexionar sobre esta realidade despois do lamentable suceso acontecido na nosa comarca o pasado mes. A implicación de todos e todas é fundamental para construír unha sociedade máis igualitaria e libre de violencia” apuntan dende a Concellería de Igualdade.
Con esta iniciativa, o Concello de Alfoz reafirma o seu compromiso coa loita contra a violencia de xénero e co apoio ás vítimas, convidando a participar activamente neste tipo de accións de sensibilización.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
