A xustiza obriga á televisión pública a difundir no TX1 a rectificación dando lectura ao escrito de denuncia remitido pola formación á dirección do ente
Santiago de Compostela, 27 de febreiro de 2025. O Bloque Nacionalista Galego celebra a recente sentenza xudicial que condena a CRTVG por difundir información falsa contra a organización. O fallo xudicial recoñece o dereito de rectificación do BNG despois de que a TVG emitise unha noticia no seu Telexornal do Mediodía asegurando, de maneira falsa, que ningún representante da formación participou no acto de conmemoración do 75º cabodano da morte de Castelao.
“A Xustiza dálle a razón ao BNG e obriga a CRTVG a rectificar nos mesmos termos nos que difundiu a mentira. A televisión pública galega terá que ler integramente a primeira parte da carta de rectificación enviada á súa Dirección Xeral”, declarou a viceportavoz Olalla Rodil.
Desde o BNG denuncian que a manipulación informativa na CRTVG é “cada vez máis obscena e insoportable”, respondendo aos intereses do Partido Popular. Por esta razón, Rodil considera que esta sentenza “non é unha vitoria só para o BNG, senón para toda a cidadanía galega”.
“A resolución do tribunal fai prevalecer a verdade e o dereito da sociedade galega a contar con medios de comunicación públicos plurais, veraces e obxectivos”, sinalou a deputada nacionalista. Así mesmo, lembrou que esta non é a primeira sentenza contra a actual dirección da CRTVG, que xa acumula varias condenas por vulneración de dereitos fundamentais.
“Hoxe damos un paso máis na defensa e no rescate dos medios públicos de Galiza”, concluíu Olalla Rodil.
O BNG reafirma o seu compromiso de seguir traballando para garantir uns medios públicos ao servizo do país, que reflictan a pluralidade e a diversidade da sociedade galega, e non convertidos nunha ferramenta de propaganda do PP.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
