Dende o PP de Burela recordan que “se non fora porque o ano pasado se abriron 20 negocios no municipio, a cifra de iniciativas pechadas en Burela superaría a centena”, un claro síntoma da falta de políticas de xeración de emprego por parte da alcaldesa, que o ano pasado levou a Burela a liderar a taxa de incremento de paro na Mariña
Burela, 31 de marzo de 2025. O portavoz do PP de Burela, Manuel Rouco, asegura, ante as críticas do PSOE nas redes sociais polos datos facilitados polo Grupo Municipal Popular no último pleno sobre o paro e o peche de negocios, que “estamos aínda agardando dende comezos do mandato a que a alcaldesa achegue os primeiros datos cos que pretende desmentir as nosas informacións”.
O popular convida á rexedora socialista a facer públicas, por exemplo, as contas da achega do Concello para as festas patronais do ano pasado. “O goberno mantivo en pleno que repartían algo máis de 60.000 euros e nós mantemos que superaron de largo os 90.000 euros”, indica.
Rouco tamén pide que “faga efectivo o pago dos 200.000 euros que lles prometeu en primas de produtividade aos traballadores do Concello e que, despois, foi imposible de cumprir porque era ilegal, tal e como lle advertiramos no correspondente Pleno”.
O voceiro do Grupo Municipal Popular tamén insta á señora López Moreno a que “non minta nas declaracións aos xornais de máxima difusión na nosa provincia sobre o sentido do voto do noso grupo nas sesións plenarias”. Rouco cita como exemplo que “en relación a un caso de denuncias dunhas traballadoras municipais contra o Concello por cuestións salariais afirmando que votaramos en contra, cando non emitimos sequera voto como medida de protesta polas irregularidades que levou ao Pleno a alcaldesa nese expediente”.
O popular cre que, “a estas alturas, o que debería facer a alcaldesa é gobernar do mellor xeito posible e non facer oposición á oposición. Ao mellor sona a frauta e é capaz de atinar nas súas decisións nos dous anos que quedan de mandato”.
“Dende que a señora López Moreno forma parte do grupo municipal ben como alcaldesa ou ben como concelleira, non para de diminuír a actividade económica en Burela. En decembro do 2019 había 661 negocios en Burela e, cinco anos despois, en decembro do 2024, só quedaban 575 en pé. E todo a pesar de que ao longo do ano pasado se abriron 20 novos negocios. Se isto non tivera pasado, superaríamos a cifra dos 100 negocios pechados nos últimos cinco anos en Burela”, explica.
En relación ao paro, o popular explica que, “tristemente, a realidade é a que é: xa o ano pasado liderabamos con Viveiro o incremento do número de parados na Mariña e, no que vai de mandato, Burela é líder indiscutible, con 41 parados máis”.
Rouco defende que “as iniciativas que leva o Grupo Municipal Popular ao Pleno encamiñadas ao incremento da actividade económica na nosa vila, como é a adhesión á rede de Concellos Emprendedores da Xunta de Galicia, non debería supoñer ningún problema para a nosa mandataria no Concello”.
Así mesmo, engade que “non entendemos que critica o feito de que haxa veciños que, cumprindo os requisitos, se poidan beneficiar de ata o 95% no IBI, IAE ou ICIO. Somos sabedores de que isto vai en contra do ideario socialista e da súa continua gran presión fiscal sobre os veciños; pero deben entender que certas rebaixas fiscais favorecen a actividade económica local e, por extensión, melloran a contratación no noso municipio”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
