A Subdelegación do Goberno en Lugo copresidiu coa alcaldesa, Marta Rouco, a xunta de seguridade para artellar a colaboración entre os organizadores destes dous eventos e as forzas e corpos de seguridade
Lugo, 1 de abril de 2025. A subdelegada do Goberno en Lugo, Isabel Rodríguez, copresidiu hoxe en Vilalba xunto á alcaldesa, Marta Rouco, a Xunta Local de Seguridade para coordinar os dispositivos especiais que se porán en marcha no FIV 2025, que terá lugar os días 25 e 26 de abril, e na XXIX Festa do Queixo San Simón da Costa, prevista para os días 5 e 6 de abril.
Rodríguez destacou a colaboración entre a Garda Civil, a Policía Local , as organizacións dos eventos e o resto de administracións implicadas para garantir o correcto desenvolvemento de ambas citas, que atraen cada ano a milleiros de persoas ao municipio. Tanto o FIV como a Festa do Queixo contarán con dispositivos de prevención reforzados que inclúen patrullas de vixilancia, controis de tráfico e unidades especializadas en seguridade cidadá.
Descenso da criminalidade en Vilalba
Na xuntanza tamén se avaliaron os datos de seguridade cidadá no municipio, que reflicten unha evolución positiva. En 2024 rexistráronse un total de 327 infraccións penais, 18 menos ca no ano anterior, o que supón un descenso do 5,2%. A taxa de criminalidade situouse no 23,71 delitos por cada mil habitantes, por debaixo da media galega e nacional.
Ademais, a Garda Civil logrou esclarecer o 45,3% dos casos e practicou 52 detencións por delitos de diversa índole. Tamén se reduciu de forma significativa o número de delitos leves, pasando de 152 en 2023 a 115 en 2024.
O Plan Director acada máis centros e estudantes
Outro dos puntos abordados foi o seguimento do Plan Director para a Convivencia e Mellora da Seguridade Escolar. No que vai de curso 2024-2025, a Garda Civil xa impartiu 18 charlas en centros educativos de Vilalba sobre ciberacoso, violencia de xénero, adiccións, igualdade ou seguridade vial, e ten previstas outras 14 a petición dos propios centros.
Compromiso co benestar e a prevención
Finalmente, Isabel Rodríguez reiterou o compromiso do Goberno de España coa seguridade e benestar da cidadanía. Tamén fixo fincapé na importancia de reforzar a prevención da violencia de xénero: en 2024 rexistráronse 17 denuncias en Vilalba. A día de hoxe, hai 32 casos activos no sistema VIOGÉN no municipio, dos cales 24 contan con medidas xudiciais en vigor.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
