A Xunta de Goberno deste venres aprobou tamén a adxudicación dos servizos do proxecto que servirá para modernizar o padrón municipal dos 67 concellos da provincia, o Xeopadrón, cun investimento de preto de 350.000€
Lugo, 11 de abril de 2025. A Xunta de Goberno da Deputación de Lugo acordou este venres aprobar a adxudicación, por importe de 900.000€, para mellorar oito estradas provinciais ao seu paso polos concellos de Baleira, O Vicedo, Vilalba, Xermade, Portomarín e Guntín.
En Baleira, a institución provincial adxudicou á empresa Grupo Bascuas 2008 SL, por 211.435,40€, as melloras de cinco estradas que artellan este concello da Montaña na totalidade do seu percorrido. En concreto:
• Na LU-P-0401, de Corveira a Restelo por Córneas.
• Na LU-P-0405, que une Fonteo coa Lastra.
• Na LU-P-0407, de Fontaneira a Vilar dos Adrios.
• Na LU-P-0408, desde conecta Córneas ata a Lastra.
• Na LU-P-0409, entre Córneas e Villardoi.
No conxunto destas estradas a Deputación acondicionará uns 50 quilómetros de vías acometendo en todas elas a reapertura das cunetas, reparación de desperfectos e repavimentación. O prazo de execución para todas estas actuacións é de 3 meses.
Adxudicadas tamén as obras da LU-P-6405 á empresa Carfelo SLU por 169.352,7€. Esta actuación no concello do Vicedo afecta ao primeiro quilómetro e medio da vía que dá acceso á praia de Xilloi, nun tramo moi transitado pola veciñanza do municipio.
Neste caso os traballos, que terán un prazo de execución de 2 meses desde o seu inicio consistirán na mellora da pavimentación con aglomerado en quente, obras de drenaxe e reposición da sinalización.
Entre Vilalba e Xermade a empresa Explotaciones Gallegas SL encargarase con 202.622€ da mellora en dous tramos da LU-P-6513, que é a estrada que une Vilalba con Momán.
Por un lado, os traballos afectarán desde o inicio da vía ó quilómetro 1,600 e consistirán na reapertura das cunetas, pavimentación con aglomerado en quente, sinalización vertical e pintado mediante marcas reflexivas brancas. Ademais, a Deputación acometerá a reposición de marcas viais no treito comprendido entre o quilómetro 1,600 e o 17,315. O prazo de execución destas obras será de 2 meses unha vez iniciadas.
Esta é unha das estradas máis empregadas a diario polos veciños da capital chairega e enlaza coa LU-P-2204, que comunica o núcleo xermadés de Momán coas Pontes de García Rodríguez, na provincia da Coruña. Unha vía provincial na que a institución xa destinou 1,5M€ para a súa renovación integral.
Por outra banda, a institución provincial adxudicou á empresa Francisco Gómez y Cía SL por 314.910€ a contratación das obras de mellora en dous tramos da LU-P-4902, entre Portomarín e Guntín, na vía que conecta o Alto do Valiño con Valdeporrás por Vilaxuste.
Os traballos afectarán ao primeiro quilómetro da estrada e ao treito comprendido entre o punto quilométrico 4,100 e 11,315 e consistirán na reapertura das cunetas, pavimentación con aglomerado en quente e sinalización horizontal. O prazo de execución é de 2,5 meses unha vez iniciadas as obras.
Adxudicación dos servizos do Xeopadrón
Este venres a Xunta de Goberno tamén adxudicou os servizos do proxecto que servirá para modernizar o padrón municipal dos 67 concellos da provincia cun investimento de preto de 350.000€ á empresa Espublico, Servicios para la Administración SA. Un paso máis no proceso de transformación no que a Deputación de Lugo leva traballando anos en colaboración cos concellos a través de diversas iniciativas que melloran a xestión administrativas e a xestión dos servizos públicos.
Concretamente, o Xeopadrón permitirá contrastar os datos do padrón de cada municipio sobre os habitantes empadroados e as súas vivendas coas bases de datos do Instituto Nacional de Estatística (INE). Trátase dun avance importante cara o futuro do padrón online, unha iniciativa do INE que permitirá crear unha base de datos xeorreferenciada de vivendas e fogares.
Programa de dotación e mellora de servizos comunitarias
Na sesión de hoxe tamén quedou aprobado o último trámite administrativo para o pago de dúas subvencións, por un importe conxunto de case 12.000€, a entidades da provincia que resultaron beneficiarias do Programa para a Dotación e Mellora de Servizos Comunitarios, que impulsa a Deputación de Lugo. Por unha parte da Comunidade de Usuarios de Chaovillarín, en Cervantes, que recibe 6.000€ para mellorar as captacións e reparar o abastecemento de auga. E a asociación veciñal de Santa Comba de Órrea, en Riotorto, recibe 5.700€ destinados á mellora do aparcadoiro do centro sociocultural.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
