Daniel García participou esta tarde na presentación do encontro, que volverá convertir Penadanogueira en centro de divulgación científica os días 25, 26 e 27 de abril
Lugo, 11 de abril de 2025. O deputado de Rural Daniel García e as persoas responsables da Asociación Corripa, Vanesa Paredes e Alberto Uría, presentaron este venres no Pazo de San Marcos a cuarta edición das xornadas internacionais “Ciencia na aldea” que terán lugar os próximos 25, 26 e 27 de abril en Pena da Nogueira (Negueira de Muñiz)
No acto, detallouse o programa do encontro no que terán unha presenza destacada gandeiras e gandeiros da provincia que exporán o papel da agrogandería extensiva como ferramenta chave para a conservación da biodiversidade. A súa experiencia complementarase con ponencias de investigadores, divulgadores naturalistas de todo o Estado, que achegarán o seu coñecemento científico sobre o mundo dos insectos ou os anfibios. O encontro volverá ter un ano máis vocación internacional, traendo a Penadanogueira, a experiencia do Festival das herbas espontáneas de Ussaramanna en Sardeña, Italia.
O deputado Daniel Garcia que remarcou “a aposta decidida da área de Rural por esta xornada de desenvolvemento rural cunha traxectoria consolidada nos últimos catro anos” e valorou “o esforzo, dedicación e traballo da Asociación Corripa e do persoal da área de Rural ao longo de todo o ano para acadar a excelencia na convocatoria, organización e asistencia de público que descobre cada ano novas temáticas actualizadas dende o ámbito científico e de innovación, vencellada ao territorio dende o rural da montaña lucense”.
O responsable provincial destacou a contribución das xornadas a despegarse de estigmas ou límites autoimpostos e a presentar o rural como un espazo dinámico, vivo, no que xurden ideas e no que é posible desenvolvelas. Fan falla, ademais de boas intencións, recursos e servizos para que as persoas que viven aquí o sigan facendo. Que nos acollan estes días, pero, sobre todo, que poidan continuar co seu traballo e as súas vidas o resto do ano, producindo alimentos e coidando o territorio. A área de Rural é unha panca pequena para suxeitar todo isto, pero temos o compromiso institucional e político de contribuír a que isto sexa posible”, concluíu.
Ademais de detallar o programa, o acto acolleu unha mesa redonda na que participaron Isabelle Gómez, Presidenta Sociedade Galega de Pastos e Forraxes, gandeira e xerente de Traloagro, Miguel Cordero da gandeiría de ovino e caprino Granxa Teixeiro É Pistón de Becerreá, Chusa Expósito, socia traballadora de Milhulloa e Marcos Vázquez, fundador de Muvicla e gandeiro ecolóxico en casa de Vázquez, que avanzaron algúns dos puntos de reflexión arredor da gandería extensiva como ferramenta de conservación da biodiversidade.
A participación en Ciencia na aldea require inscrición previa pola capacidade do espazo no que se desenvolven, o Ecomuseo El País del Abeyeiro. Os formularios de inscricíon estarán dispoñibles na web da Asociación Corripa e nas súas redes sociais.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
