O BNG denuncia o sectarismo do alcalde José Manuel Lamela ao discriminar ás veciñas e veciños de Santa Cruz, Moucide, Budián, Frexulfe, Santo Tomé e Recaré
O Valadouro, sábado 3 de maio 2025. O Grupo Municipal do BNG no Valadouro vén de denunciar que seis asociacións do concello quedan sen subvencións neste exercicio, tal como se puido comprobar nos orzamentos que o goberno do Partido Popular levou a aprobación en pleno o pasado 15 de abril, e que o BNG votou en contra. Tal como se contempla nas Bases de Execución destes orzamentos, o outorgamento das subvencións a asociacións pode ser a través dun procedemento de concorrencia competitiva ou ben a través dun procedemento de concesión directa, mediante convenios ou nominativamente reflectindo no documento orzamentario de forma expresa o nome das asociacións beneficiarias e a cantidade asignada.
“Dúas asociacións levan axuda e seis non. Esa é desastrosa xestión do PP”
No pleno do pasado 15 de abril o BNG fixo constar que unha vez examinados os orzamentos, non figuraba ningún tipo de subvención para as asociacións das parroquias de Santa Cruz, Moucide, Budián, Frexulfe, Santo Tomé e Recaré. “Nosoutros no exercicio anterios tiñamos recollido nos orzamentos 70.000€ para subvencións, e ese diñeiro repartíase entre todas as asociacións, sen discriminacións de ningún tipo, pero agora este novo gobeno do PP apoiado por Udival volve á súa práctica habitual de dar subvencións a dedo, por que dúas subvencións sí que as deu, pero marxinando a seis asociacións que fan unha importante actividade nas súas parroquias” manifestou o concelleiro nacionalista Eliseo Teijeiro.
“Investimentos: a maior parte dos mesmos corresponden á xestión do BNG e o anterior goberno”
Na análise dos orzamentos os nacionalistas referíronse tamén ao anexo de investimentos presentado polo Partido Popular, que ascende a 515.000€, dos cales máis de 300.000 (máis duns 60%) corresponden á xestión que deixou feita o anterior gobenro municipal
Recuperación das feiras de gando
No pleno do vindeiro 7 de maio, o BNG levará outra vez a moción pola que se solicitaba que o goberno municipal retomara as feiras e actividades gandeiras que o anterior goberno municipal desde as áreas do BNG viñan realizando. “Agardamos que neste pleno sí se trate a moción, pois no anterior ordinario non quixeron tratala, e agardemos que se aprobe e se recuperen as feiras, que son tremendamente importantes para o sector agrogandeiro e para o concello e eran un referente na comarca e no país” afirmou o concelleiro Eduardo Chao.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
