As XXXII Xornadas Técnicas e unha xornada informativa do IGAPE completaron as actividades da Feira Expomar o venres. O acto de clausura do sábado adianta o seu horario ás 18:30
Burela, 9 de maio, 2025. As 32ª Xornadas Técnicas de Expomar completáronse na mañá do venres 9 de maio abordando temas de interese xeral como a sustentabilidade, a saúde, a socioeconomía e o consumo de peixe.
Abriu a sesión Edita Pereira, xefa de servizo de estudos de CEOE e membro do Consello Económico e Social (CES) e do Consello da Produtividade de España, remarcando a xeopolítica como epicentro do mundo actual.
A continuación, José Luis Santiago, técnico da área de Socioeconomía da Pesca do Centro Tecnolóxico do Mar (CETMAR), defendeu a pesca como motor económico e social, no seu relatorio “Redes que sosteñen territorios”.
Pola súa banda, Javier Botana, peixeiro divulgador de Peixarías Coruñesas coñecido mediáticamente como “Capitán Agallas”, abordou o tema da comunicación e as redes sociais, diante das que “calquera sector illado vólvese débil e vulnerable”.
E finalmente, Miguel Angel Lurueña, divulgador científico autor de “Gominolas de Petróleo”, centrouse na saúde e nutrición, presentando o peixe como un alimento nutritivo, saboroso e… seguro?.
Esta segunda xornada estivo moderada por Álex Rodríguez, secretario do Consello Consultivo de Frota de Longa Distancia LDAC.
Xa pola tarde, a zona de presentacións do recinto feiral de Expomar acolleu a xornada informativa “Axudas e apoio do IGAPE para empresas galegas”, que correu a cargo de Isaac Rosón Sánchez, director da área de Innovación do IGAPE.
Este sábado 10 de maio clausúrase a vixésima edición da Feira Expomar cun programa cargado de actividades, que se inician ás 12:00 cun espectacular ronqueo dun peixe espada de 130 quilos de peso patrocinado por INTERFISH-España e realizado por expertos da empresa Matrice Tuna, que explicarán a arte do despezamento cunha técnica que combina a destreza, o respecto polo produto e o compromiso coa sustentabilidade. A continuación do ronqueo, OPP-7 Porto de Burela ofrece unha degustación gratuíta de receitas de peixe espada da súa frota de palangre de superficie.
Pola tarde, ás 17:00 terá lugar o acto de presentación da “Rede de Turismo Pesqueiro de España”, da que a Fundación Expomar é unha das súas promotoras, coa participación de representantes da propia Fundación Expomar, do Concello de Burela, da Administración Central, da Consellería do Mar, da Federación Nacional de Confrarías e doutras entidades que tamén forman parte deste proxecto, como o Consorcio Turismo Huelva, a Asociación de Redeiras da Guarda e Pesca Turismo de Sanxenxo.
Finalmente, aínda que o recinto feiral seguirá aberto ata as 20:30, o acto de clausura de Expomar 2025 adianta o seu horario ás 18:30 como un xesto de apoio ao clube deportivo Burela fútbol sala, cuxo equipo masculino xoga ás 19:30 no pavillón Vista Alegre unha partido clave para lograr a súa permanencia en Primeira División fronte ao Pozo Murcia.
O acto de clausura está presidido pola presidenta da Fundación Expomar e alcaldesa de Burela, Carmela López, e o conselleiro do Mar da Xunta de Galicia, Alfonso Villares.
A iniciativa, impulsada por Pilar García Porto para celebrar o Día da Transrománica, desenvolveuse en cinco xornadas con 16 rutas guiadas e gratuítas que puxeron en valor o patrimonio románico da provincia. A alta demanda en concellos como Taboada, Sober, Antas de Ulla, Viveiro ou Pantón confirma o interese polo turismo cultural e avala o modelo da Deputación, baseado na valorización do patrimonio como motor económico e social. As rutas permitiron descubrir o románico das Terras da Ulloa, da Ribeira Sacra e da capital lucense, consolidándose como unha proposta estable dentro da estratexia turística provincial.
Celebrouse no marco das festas de Vilamar, en Barreiros.
Trátase dunha mostra apoiada pola Xunta que pon en valor o patrimonio histórico, artístico e xacobeo do templo. Comisariada polo historiador Daniel Manuel Vázquez Vila, a exposición reúne oito paneis de carácter didáctico que repasan a historia do santuario, as súas pinturas medievais, góticas e marianas e a súa relación cos Camiños do Norte. O acto enmarcouse no inicio das festas, que concluíu coa lectura do pregón a cargo de Carmen Rodríguez Cancelo.
Durante a visita, destacou a importancia do evento para impulsar a comercialización do produto artesán galego, achegar os oficios á sociedade e reforzar a marca Artesanía de Galicia como sinónimo de calidade e traballo feito á man. Nesta edición participaron 20 obradoiros inscritos no Rexistro Xeral de Artesanía de Galicia, especializados en marroquinería, cantería, xoiería, cerámica, forxa, bordado ao aire, cestería, xoguetes, tecido, debuxo, vidro, elaboración de roupa, bixutería, sombreirería e complementos de moda.
Os premiados e recoñecidos queixos de Gandería Quintián foron os protagonistas. Os asistentes puideron ver a elaboración de diferentes receitas, que despois tiveron a oportunidade de degustar. A Gastropraza está organizada polo Concello de Ribadeo, a asociación de Cociñeiros Lugo, a Xunta de Galicia e Acisa.
O acto contou coa presenza do alcalde, Carlos López López, e de representantes institucionais de ABANCA e Afundación. A mostra, que poderá visitarse na Casa da Cultura ata o 3 de xullo en horario de 14.00 a 20.00 h, forma parte do proxecto «Corrente cultural», co que Afundación impulsa a difusión artística por toda Galicia. A exposición reúne corenta fotografías procedentes dos arquivos da Axencia EFE que retratan a emigración española e galega ao longo do século pasado, ofrecendo unha mirada humana e documental sobre a historia de millóns de persoas que tiveron que abandonar o seu país para sobrevivir.
