Os tres futbolistas sudamericanos convértense nas primeiras baixas do conxunto masculino
Burela, 10 de xuño, 2025. O chileno Araya e os brasileiros Mika e Juninho non continuarán a próxima tempada no Burela FS e convértense nas primeiras baixas oficiais do conxunto masculino da entidade. O club agradece o traballo, compromiso e profesionalidade dos tres futbolistas suramericanos e a maneira na que defenderon a camiseta laranxa durante o tempo que a portaron. Así mesmo, deséxalles a maior das sortes e éxitos nas súas respectivas carreiras deportivas e vidas persoais.
Mika Henrique Deon (Piratuba-Santa Catarina, 2001) chegou ao club mariñao no verán do 2023 procedente do Araz Nakhcivan, da Premier League de Acerbaixán, e durante dúas tempadas fixo un tándem perfecto na portería burelista con Michal Kaluza. Aínda que esta campaña apenas dispuxo de oportunidades, o curso pasado si deixou mostras do seu bo facer e serán recordadas as súas grandes actuacións nos dous derbis diante de O Parrulo, que se saldaron con senllas vitorias do conxunto burelés. Ademais, foi capaz de conquistar a todos os seus compañeiros, técnicos e afeccionados co seu carisma, humor e simpatía. Sempre será lembrado como un dos heroes do último ascenso.
Pola súa banda, Bernardo Jesús Araya Ponce (Santiago de Chile, 1993) arribou a terras mariñás para ser o primeiro chileno en competir na máxima categoría do fútbol sala español. Capitán da selección do seu país, procedía do AFSU Umuarama Futsal brasileiro e xa contaba con experiencia en Europa tralo seu paso polo Nantes Métropole francés. O peche destro da ‘Roja’ achegoulle ao equipo de David Rial desde o primeiro minuto seriedade, experiencia, garra e fortaleza defensiva, prodigándose tamén en labores ofensivos e completando unha gran estrea na Primeira División española. Participou nos 30 partidos de liga regular e achegou cinco tantos.
Finalmente, Wagner Aparecido de Oliveira Junior, ‘Juninho’ (São Paulo, 1996), foi o último en chegar á disciplina burelista o pasado verán, proveniente do Torrense portugués, para debutar no fútbol sala español despois de distintas etapas no país veciño e na súa patria. O á brasileiro foi de menos a máis durante o campionato e deixou mostras do seu caneo e calidade co balón pegado á súa perna esquerda. Juninho estivo presente en 28 partidos e acabou como un dos pichichis do equipo con 10 goles, igualado co seu compatriota Rikelme.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
