Os socialistas acusan ao PP de “comer o remanente de tesourería en gasto corrente” mentres as grandes necesidades do municipio seguen sen atender
Xove, 18 de xuño de 2025. O PSdeG-PSOE de Xove manifesta a súa preocupación pola evolución económica do Concello tras analizar os datos presentados no último pleno ordinario. Durante a sesión aprobouse o peche da conta xeral de 2024, co voto en contra do PSdeG, xa que reflicte un gasto moi por enriba do previsto e un importante desequilibrio entre ingresos e gastos, así como unha nova modificación de crédito con cargo ao remanente de tesourería.
Os socialistas consideran que esta dinámica de xestión baseada no uso continuado do remanente para afrontar gasto corrente, compromete a sustentabilidade financeira do Concello e dificulta a resposta ás necesidades estruturais do municipio. Desde o grupo municipal advirten que, de continuar nesta liña, Xove corre o risco de esgotar os seus aforros sen acometer investimentos clave en materias como urbanismo, vivenda, servizos básicos ou infraestruturas.
Un déficit de máis de 5 millóns cuberto con aforros municipais
Segundo se expuxo no pleno, o orzamento de 2024 pechouse cun gasto contable de 9.970.722€ fronte aos 8.300.000€ inicialmente previstos, un incremento de máis de 1,6 millóns de euros. A recadación real quedou en 4.954.206€, o que supón un déficit de 5.016.516€, cuberto integramente co remanente de tesourería.
“Este goberno está gastando sen ton nin son. Sabía que non ía cumprir cos ingresos previstos, pero aínda así seguiu disparando o gasto corrente mentres Xove segue á espera de solucións reais en urbanismo, vivenda, porto de Morás, polígono industrial ou saneamentos”, denunciaron os socialistas
“Desde o comezo do mandato, o Concello pasou de ter un remanente de preto de 19 millóns a 11 millóns de euros ao peche de 2024”, subliñan.
Máis gasto improdutivo e sen planificación
O pleno tamén aprobou una nova modificación de crédito por importe de 490.200€, novamente con cargo ao remanente. “Seguimos na mesma dinámica: tirar do aforro para remendar avarías, facer chapuzas e pagar favores. Non hai planificación nin visión a longo prazo”, criticou o grupo socialista.
Un dos exemplos máis evidente é o estado da traída das augas, que cualifican de “terceiromundista”. “Hai un informe técnico, solicitado polo noso grupo, que alerta da obsolescencia total do sistema de recollida, transporte e tratamento de auga. Leva 18 anos sen actualizarse e o investimento necesario ronda os 1,3 millóns, pero o PP prefire seguir gastando en parches”, engaden.
“Non seremos cómplices deste despropósito económico”
Con estes argumentos o PSdeG-PSOE de Xove votou en contra da conta xeral e da modificación de crédito, ao entender que “esta deriva pode deixar o remanente a cero antes de rematar o mandato, mentres os servizos públicos seguen deteriorándose”.
Apoio ao servizo Concilia
A iniciativa que contou co respaldo dos socialistas foi a mellora e ampliación do servizo de Xove Concilia. “Sempre estaremos a favor de reforzar os servizos que facilitan a conciliación das familias, porque sabemos que toda mellora neste ámbito é un investimento no benestar da veciñanza”, concluíron.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
