Os deputados Antonio Ameijide, Demetrio Salgueiro e Javier Varela, visitaron o municipio xunto ao alcalde, Jesús Novo, para comprobar a necesidade de asfaltar de xeito uniforme esta estrada, así como renovar a sinalización vertical, pintar a horizontal e realizar o desbroce da maleza
O Vicedo, 19 de xuño de 2025. Os deputados do Grupo Provincial Popular esixen ao goberno provincial de PSOE e BNG o arranxo e mantemento da estrada LU-P-6405, no Vicedo, para garantir a total seguridade dos usuarios desta vía, moi transitada, especialmente no verán, xa que dá acceso á praia de Xilloi.
Os deputados provinciais, Antonio Ameijide, Demetrio Salgueiro e Javier Varela, xunto ao alcalde da localidade, Jesús Novo, comprobaron o estado desta estrada provincial e comunicaron ao alcalde que pedirán no pleno deste mes que a Deputación de Lugo acometa o arranxo desta estrada provincial, traballos que deben incluír o asfaltado uniforme da vía, a renovación da sinalización vertical, o pintado da horizontal e o desbroce da maleza.
Antonio Ameijide explica que unicamente falta por realizar o aglomerado en quente dun treito de 1,3 km da LU-P-6405, o treito que vai dende Vilasuso ata a estrada LU-862. “Pedimos algo tan sinxelo como arranxar un treito de pouco máis dun quilómetro, unha reclamación de todos os veciños de Vicedo, que ademais conta co respaldo de dous acordos plenarios da corporación municipal”, explicou.
O voceiro popular recorda que o pleno do Concello do Vicedo, en novembro de 2020, acordou por unanimidade dirixirse á Deputación de Lugo para acometer esta actuación “o antes posible” e, ante a pasividade do goberno provincial de PSOE e BNG, o 28 de maio deste ano, tamén por unanimidade, o pleno do Concello do Vicedo acordou “solicitar á Deputación provincial de Lugo o arranxo do treito da vía que vai dende Vilasuso ata a LU-860, en aglomerado, o antes posible”.
“Queda claro que é unha reivindicación xusta xa que todos os grupos da corporación están de acordo en realizar esta petición, agora só falta ver se José Tomé, o PSOE e o BNG tratan de forma igualitaria a todos os veciños da provincia e atenden esta petición ou miran cara outro lado como levan facendo todos estes anos”, explicou.
Pola súa banda, o alcalde do Vicedo, Jesús Novo, destacou que “é necesario actuar neste treito xa que no se entende que no seu momento se actuara nunha parte da estrada e deixasen unha zona de pouco máis dun quilometro sen arranxar”.
Jesús Novo destaca que esta estrada “é unha das máis importantes” do municipio xa que ao dar acceso á praia de Xilloi, con bandeira azul dende fai moitos anos, é un dos reclamos do Vicedo ao ser a estrada que dá acceso a este areal que, ao igual que todas as vías de comunicación coas praias da Mariña, conta cunha elevada densidade de circulación.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
