Foz, 4 de xullo de 2025. A concelleira de Cultura en Foz, Inés López Couto, destaca que o municipio “é un lugar de inquedanzas culturais. Isto demóstrase coa gran cantidade de asociacións que organizan actividades e eventos, ademais do éxito que acadan cada unha delas”.
Como exemplo, Inés López explica que “a fin de semana pasada finalizou o IV Certame de Teatro Afeccionado José Luis López Lorenzo (O Poto), no que cada ano a participación é maior e de mellor calidade. O sábado entregáronse os premios ás compañías participantes. Os premiados por categoría foron: premio á mellor actriz, Laura Carvajal, da Asociación Teatral El Telón Negro, pola obra El Legado; premio ao mellor actor, Xabier Fernández, de Avelaíña Teatro, pola obra As máscaras de Ibáñez. O Marqués de Sargadelos que nunca foi; premio ao mellor guión orixinal, Lola Roel, de Ditirambo Teatro, pola obra Cartas da muller ausente; premio á mellor dirección, José Antonio Pérez, da Asociación Teatral El Telón Negro, pola obra El Legado; premio á mellor posta en escena, Ditirambo Teatro, pola obra Cartas da muller ausente; remio á segunda mellor representación, Nimú de Lui, pola obra Pareja Abierta; premio á mellor representación, Asociación Teatral El Telón Negro, pola obra El Legado.
“Estamos moi contentos da afluencia de público e do grandísimo nivel das compañías. O teatro afeccionado é un semilleiro de actores que poderían ser profesionais moitos deles. Ademais estivemos acompañados de Isabel Risco, que nos fixo unha magnífica actuación para finalizar este precioso certame que creo que homenaxea a todos eses actores coma O Poto que nos fixeron chorar de risa ou sentir de forma profunda o amor polo teatro”, explica a concelleira de Cultura, Inés López Couto.
Por outra parte, o pasado domingo chegou a Foz o novo grupo de Lino Rico, conformado por el ao piano ademais dos cantantes Lolo Castro e Marga Gutiérrez. “A Casa da Cultura quedouse pequena para acoller este concerto, que foi unha homenaxe á música de sempre. Con sons de tangos, baladas, bandas sonoras de películas, etcétera, conseguiron emocionar a un público entregado. Moito do público eran afeccionados á música e integrantes doutras agrupacións locais e comarcais que quixeron arroupar este proxecto do sempre magnífico Lino”, destaca a concelleira de Cultura.
“É importante impregnar ás novas xeracións desta música que é historia, que escoitas e es capaz de emocionarte deixándote levar polo son do piano e as voces de tan xeniais intérpretes. Agradecemos a Lino a disposición a vir a Foz para comezar este novo proxecto e a Eliseo e Cruz por axudar na organización dun concerto que foi puro sentimento”, finaliza o alcalde de Foz, Fran Cajoto.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
