Foz, 10 de xullo de 2025. O Concello de Foz presenta a programación das festas do Carme, que se celebran na vila focega do 11 ao 17 de xullo.
A concelleira de Cultura, Inés López Couto, anuncia: “achéganse as datas máis emotivas no calendario do verán de Foz, as festas do Carme. A devoción á Virxe do Carme é un sentimento máis que palpable no pobo de Foz, que vivirá nos vindeiros días un non parar de actividades. A foto do cartaz da festa deste ano pertence ao arquivo do Concello e é do fondo de Antonio Ares”.
O venres 11 de xullo ás 21.00 horas na Praza do Concello segue o programa Sons na Rúa coa actuación da Coral Polifónica de Foz. O sábado 12 a partir das 19.00 horas no Paseo da Ribeira a Peña Ñasss e As Farangullas organizan a tradicional sardiñada. O domingo 13 é a quenda do festival Coa Nosa Fala, que emprazado no Campo da Cabana acollerá as actuacións dos grupos A Cordeireta e O Sonoro Maxín a partir das 21.00 horas.
O luns 14 de xullo é o pregón, a cargo de Luis Alberto Burundarena Fraga, ás 20.30 horas, ao finalizar a misa na Igrexa Parroquial, nun ano moi especial no que se cumpren oitenta do tráxico naufraxio do barco focego Jesús Nazareno. A partir das 22.30 horas na explanada portuaria a verbena será a cargo da orquestra Acordes.
O martes 15 haberá sesión vermú ás 14.00 horas con La Bamba. Finaliza a novena ás 20.00 horas coa misa cantada pola Coral Polifónica de Foz. “Este é o día no que as rúas se enchen de cor e traballo de veciños e visitantes na elaboración das alfombras florais. Todos aqueles que queiran participar, tanto nas labores previas coma na confección das alfombras, poden poñerse en contacto co concello no teléfono 982.14.00.27 extensión 3 e serán remitidos ás diferentes rúas. Tamén temos que solicitar a colaboración de veciños e visitantes para que as rúas queden libres de coches conforme ás sinais e horarios que se colocarán nas mesmas”, explica a concelleira de Cultura, Inés López Couto, que engade: “será unha noite longa, na que tamén haberá verbena con La Bamba e a orquestra Fania Blanco Show”.
O mércores 16 de xullo ás 12.00 horas celebrarase misa na honra da Virxe do Carme cantada por Mar Aberto, na praza Conde de Fontao, con ofrenda floral e procesión. Ao finalizar haberá sesión vermú coa orquestra Miramar. Ás 20.00 horas, misa na honra dos náufragos e a partir das 22.30 horas na explanada portuaria terá lugar a verbena coas orquestras Miramar e Capitol.
Finalmente o xoves 17 é o Día do Neno e na Praza Conde de Fontao a partir das 16.30 horas haberá inchables, obradoiros e actividades gratuítas para os máis pequenos.
O alcalde de Foz, Fran Cajoto, agradece a “implicación dos veciños que forman parte da Cofradía da Virxe do Carme e todos aqueles que se implican para que as alfombras saian adiante, sen as cales a esencia desta festa se perdería”. E engade: “animamos a participar a todo aquel que queira formar parte da historia local e que todos desfruten destas bonitas festas”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
