Nota de prensa
O ALCALDE AGARDA QUE PARA O VINDEIRO VERÁN ESTEA REMATADO O PROXECTO DE DOTACIÓN DE SERVIZOS AO CABALIÑO E AO PORTELO, UNHAS OBRAS QUE SUPORÁN UN INVESTIMENTO DE 224.000 EUROS.
Burela, 25 de novembro de 2010. O Ministerio de Medio Ambiente, Medio Rural y Marino confirmóulle ao Concello a aprobación definitiva do proxecto de dotación de servizos ao Cabaliño e ao Portelo. Uns traballos que suporán un investimento de 224.000 euros e que o alcalde, Alfredo Llano, agarda “estean listos para o vindeiro verán”.
O rexedor contou que “recibín do Ministerio de Medio Ambiente, Medio Rural y Marino a confirmación da aprobación definitiva do proxecto de dotación de servizos á praia de O Cabaliño e O Portelo. Trátase da construcción duns baños que son moi demandados por todos os que acuden a ese areal e ao mesmo tempo tamén contaremos cun almacén e cun mirador para os socorristas”. O presuposto da obra ascende a 224.000 euros e Alfredo Llano agarda que “para o próximo ano estean xa funcionando. Agora estamos na tramitación económica e despois pasarase á licitación. É un dos proxectos polos que esperábamos desde hai tempo, será moi bó para as praias do centro do pobo e será un atractivo máis para que veñan máis turistas ao noso concello”.
Llano lembrou tamén “os grandes desperfectos que ocasionou o último temporal na praia da Marosa, o espigón fóise revolvendo e nós solicitamos o seu amaño para que que os efectos devastadores das olas no futuro sexan menores. É urxente a súa reparación e a vindeira semana xa poderían estar aquí os operarios que procederán a realizar eses traballos”.
Pardo Bazán
O alcalde referíuse hoxe á xuntanza que convocou para o vindeiro 30 de novembro ás 20:30 horas no Concello co fin de analizar a posible peatonalización da rúa Pardo Bazán. Llano sinalou que “foron convocados os que están entre a esquina do parque onde está a farmacia ata o remate con Eijo Garay. Ímolos informar da posibilidade de peatonalizar parte dese vial, todo isto ven motivado pola demanda existente por parte dos pais e nais que levan aos seus nenos ao parque, moitas veces os nenos saltan á rúa sen mirar e por seguridade sería bó levar adiante este medida. Tamén se lle daría singularidade á zona cara o futuro, serviría para pasear e para aproveitar para cuestións comerciais ou de recreo”. O rexedor burelés explicou que “imos escoitar as opinións de veciños e de comerciantes. A peatonalización non se vai facer de xeito inmediato, será algo cara o futuro, o que faremos é ir vendo ata onde se pode chegar. Espero que no encontro cheguemos a unha conclusión que sexa do agrado de todos”.
Pleno ordinario
No pleno ordinario celebrado onte no Concello aprobóuse por unanimidade a ordenanza reguladora da administración electrónica. Cos votos a favor do equipo de goberno (PSOE e BNG) e cos votos en contra do PP quedou aprobada a memoria da programación da radio municipal de Burela e tamén cos votos favorables do bipartito e a abstención dos populares foi aprobada a designación dos representantes dos consellos escolares nos centros educativos. Á sesión de onte o equipo de goberno presentaba unha moción sobre a violencia de xénero, o alcalde dixo que “os populares presentaron unha enmenda a dita moción e refundimos as dúas propostas nun texto que foi aprobado tamén por unanimidade”.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
