O voceiro popular, José Manuel Gómez Puente, afirma que este areal “está pechado por quinto ano consecutivo” e que pese ás constantes promesas realizadas “a alcaldesa nada fixo en todo este tempo por garantir a seguridade para poder reabrir o areal”
Barreiros, 21 de agosto de 2025. Os concelleiros do Grupo Municipal do PP de Barreiros veñen denunciando dende hai varios anos o risco que hai para todos os veciños e turistas polo estado no que se atopa a praia de San Bartolo, con varias fosas ao carón dos accesos que, non están pechados correctamente para garantir a seguridade.
O voceiro popular, José Manuel Gómez Puente, recorda que os accesos ás praias son unha competencia municipal polo que, neste caso, “é unha competencia da alcaldesa garantir a seguridade polo que teñen a obriga de pechar correctamente estes accesos para evitar calquera risco”.
Na actualidade os accesos que non son seguros teñen unhas vallas de obra pero que “ata co vento se moven con moita facilidade, polo que non cumpre a súa función xa que non disuaden do acceso”.
José Manuel Gómez Puente recorda que a praia de San Bartolo é unha das máis coñecidas de Barreiros e xa son cinco anos os que leva pechada, pero que “tanto veciños como turistas están cansos de que a alcaldesa non corrixa a situación, polo que buscan solucións alternativas para poder disfrutar deste areal”.
Cómpre recordar que esta fin de semana celébranse as festas de San Bartolo, polo que é previsible que aumente o número de persoas que adoita haber na zona de San Cosme, polo que “habería que centrar os esforzos en pechar correctamente os accesos perigosos para evitar calquera tipo de risco”.
PROMETEUSE UNHA SOLUCIÓN EN MARZO
O voceiro popular recorda que no mes de marzo, tanto a alcaldesa como o Delegado do Goberno en Galicia mantiveron unha xuntanza trala que “comprometeron melloras nas praias de Arealonga, San Bartolo ou Valea, entre outras” e á vista dos feitos “todos vemos como pasaron os meses e nada fixeron”.
Os problemas que hai nos accesos consisten en que na escalinata central de baixada á praia, na súa marxe dereita, hai unha fosa de aproximadamente tres metros de ancho e dez de profundidade, con perigo para a integridade física e mesmo á vida humana de veciños e visitantes.
Ademais de dita fosa, existe outra, algo máis pequena, igualmente moi perigosa, ao pé dun paseo peonil, na zona detrás do Hotel-Restaurante Acantilado.
Neste senso, José Manuel Gómez Puente explica que “pese a todas as denuncias públicas que realizamos e todas as mocións que defendemos no pleno, nada se fixo” polo que “vémonos na obriga de seguir insistindo para que o Concello de Barreiros tome as medidas oportunas”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
