A proposta, presentada pola concelleira de Economía, Patricia Eijo, contou con 7 votos a favor no pleno extraordinario celebrado este 21 de agosto
Burela, 21 de agosto de 2025. O Concello de Burela aprobou hoxe en pleno extraordinario unha modificación de créditos, na modalidade de suplemento de crédito, por un importe total de 931.435,96 euros, con cargo ao remanente de tesourería para gastos xerais. Despois desta modificación, a cuantía restante no remanente ascende a 4.035.499 euros.
Segundo explicou a concelleira de Economía, Patricia Eijo, o obxectivo desta medida é financiar actuacións como “o pago de solo dotacional, a compra dunha máquina de desbroce e dun furgón grúa para obras, a reforma da rúa que enlaza as Casas Baratas coa Rúa Castelao e da Rúa Eijo Garay/Arcadio Pardiñas, a instalación dun marcador no Campo de Fútbol da Marosa ou a adquisición de novas luces para a árbore de Nadal”.
Tamén se inclúen melloras na Praza do Concello, no parque de Suafonte e no parque do Campón, a instalación de lavabos no Parque Rosalía de Castro, traballos de asfaltado, melloras nas instalacións da Marosa, o acondicionamento de despachos no Concello para Servizos Sociais, a sinalización de recursos turísticos e a habilitación dun espazo para uso recreativo en Vilar.
A concelleira destacou que, estes investimentos “fináncianse co remanente que ten o Concello” e que se trata dunha “ferramenta que nos permite reinvestir ese diñeiro en proxectos concretos que beneficien directamente á veciñanza”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
