Ribadeo, 22 de agosto de 2025. Acisa organiza unha nova edición do Mercado de Rúa. A cita terá lugar os días 23, 24, 30 e 31 de agosto, convertendo as rúas de Ribadeo nun gran escaparate comercial aberto a todo o público.
Segundo anunciou a presidenta do colectivo empresarial, Carmen Cruzado: “en Acisa Ribadeo organizamos este ano unha nova edición do Mercado de Rúa, unha iniciativa na que os establecementos participantes sacarán os seus produtos á rúa para ofrecer aos seus clientes os mellores descontos e promocións especiais. Esta actividade enmarcase dentro da programación de O noso comercio é vida, vive Ribadeo, que forma parte do proxecto da Xunta de Galicia O teu comercio é extraordinario. Esta será unha moi boa ocasión para facerse con artigos de tempada a prezos espectaculares”.
O xerente de Acisa, Jesús Pérez, indicou que “a piques está de ir rematando o verán e polo tanto de ter que baleirar as tendas dos artigos desta tempada e darlle visibilidade aos de outuno-inverno. Por iso quixemos facer esta actividade, nestas dúas ultimas fins de semana de agosto co remate final das rebaixas e as liquidacións de stocks de moitos negocios, e que sirva tamén para que os clientes poidan ver e mercar xa, produtos da nova colección. Ademais sabemos que esta actividade sole ser moi atractiva tanto para os comerciantes coma para os clientes e é un xeito tamén de achegarlle a experiencia de compra mais áxil e cómoda”.
Cruzado Iglesias contou que “a longo destas xornadas, numerosas tendas participarán achegando unha ampla variedade de produtos de moda, complementos, decoración, regalo e moito máis, sempre coa calidade e a atención próxima e personalizada que caracterizan ao comercio local, sinais de identidade que marcan a diferenza coas grandes plataformas de venda online. Acisa traballa por e para as súas asociadas e asociados, eses negocios que crean emprego, que fan polo pobo e que pagan os seus impostos todo o ano en Ribadeo”.
Os locais participantes no Mercado de Rúa de Acisa Ribadeo son: Anais, Serendipia, Mimimó, Farfala, Sanjurjo, Esprit, Mika, For Friends, La Coqueta, Perseidas, Pequerrechos, Susana Kempes, Siñeiro, Bombones Moreno, Quero Colo, Bahía, Adele, Fauna, Miss-Tic, Glass, Grisi e A Flote”.
Pérez Prada engadiu que “con esta actividade Acisa busca dinamizar o comercio local, sen necesidade de contar con ninguén de fora, poñéndoo en valor fronte a outras propostas temporais, ofrecer novas oportunidades aos negocios asociados e animar tanto á veciñanza como ás persoas visitantes a gozar dunha experiencia de compra diferente nas rúas da vila”.
O Mercado de Rúa conta co apoio da Xunta de Galicia, o patrocinio de Discosta Norte e a colaboración do Concello de Ribadeo “aos que lles reiteramos o noso agradecemento”.
Na presentación desta campaña participaron Carmen Cruzado, Trinidad Otero e Jesús Pérez.
Domingueo en Ribadeo
O xerente de Acisa comentou que “este domingo para completar eta actividade, contaremos ademais cun novo Domingueo en Ribadeo. Trátase nesta ocasión dun domingueo en movemento xa que dende as 12:30 horas polas rúas da vila actuará a charanga Bicoia, chegada desde Ourense, co fin de animar unha maña de domingo de compras, terraceo e vermuteo en Ribadeo”.
Vacacións a Canarias
A presidenta de Acisa lembra que “nos preto de 170 establecementos asociados os clientes poden facerse coas rifas para o sorteo presencial que realizaremos o 31 de agosto no Cantón dos Moreno dunhas vacacións a Gran Canaria. Queremos especialmente, recórdalle aos clientes que poden e deben pedir as súas rifas polas compras ou consumicións que fagan nos establecementos participantes. Son días de moito traballo para comercios, bares e restaurantes e nalgunhas ocasións poden esquecerse de ofrecelas, polo tanto queremos dicirlle á clientela que non teñan vergoña en pedilas, xa que para iso as facemos, para que se entreguen e se repartan entre toda a clientela do comercio e da hostalería de Ribadeo, así coma os multipases cos que poden gozar de moitas posibilidades ata finais deste mes de agosto”.
Ás 19.57 horas deste mércores deuse por extinguido o incendio forestal do concello lucense da Fonsagrada, parroquia de Monteseiro, que se iniciou ás 15.30 horas do martes día 5 e que finalmente afectou unha superficie de 142,5 hectáreas, das cales 50 corresponden a arborado e 92,5 a raso. Para a súa extinción mobilizáronse, de xeito acumulado, 6 técnicos, 82 axentes, 107 brigadas, 111 motobombas, 3 pas, 8 helicópteros e 8 avións.
Este mércores celebrouse na Casa da Cultura a proxección e coloquio e entrega de premios do Concurso de fotografía turística do Vicedo, que alcanza xa a súa 8ª edición. Uns 25 participantes presentaron máis de 60 fotografías de todo tipo destacando pola súa grande calidade mostrando estampas tanto da costa como do interior do noso municipio. O coloquio-proxección foi moi animado e os propios fotógrafos participantes puideron expresar as súas intencións e anécdotas en torno ás fotografías presentadas. Os premiados foron: 1º premio (300€) Mónica Vila con "San Román". 2º premio (200 €) Alejandro Martínez con "Maravillas del Amanecer". 3º premio (100 €) Sarai Fernández con "O faro de Vicedo Vello". Premio especial a menores de 30 anos (50 €) Laura García con "O Vicedo. Silencio que acolle"
Terá lugar as 12:00h no Estadio Municipal Pepe Barrera de Ribadeo. Os precios das entradas serán de 10€ (Maiores de 15 anos); e de 5€ (nenos/as entre 8 e 15 anos); mentres que os menores de 8 anos terán acceso gratuito. Poderán adquirirse nas taquillas do Campo o mesmo dia do partido.
A cita é este sábado, 23 de agosto, ás 20 horas na Casa da Cultura que leva o seu nome. Haberá lecturas dramatizadas e as actuacións musicais de: Miro Casabella, Ugía Pedreira e Mano Panforreteiro.
Unha selección de obras cheas de cor, creatividade e expresividade de Xosé López Losada "Xolo". Unha viaxe artística a través de máis de 70 cadros, onde cada peza conta a súa propia historia. Poderá visitarse ata o 30 de setembro.
Posteriormente, tivo lugar o xantar anual habitual, propio da xornada asamblearia no restaurante Náutico de Ribadeo. Como xa é tradicional na asociación, "o noso propósito radica no fomento e práctica das xuntanzas gatronómicas polos locais de restauración da bisbarra entre os nosos asociados, favorecendo o consumo dos productos locais ou do país e a cociña tradicional na elaboración e degustación dos mesmos; así mesmo levar o bo nome do Valadouro por tódolos lugares polos que imos, como vimos facendo dende a nosa fundación, aló polo ano 1992".
Os actos contaron coa participación do director xeral da Axencia de Turismo de Galicia, Xosé Manuel Merelles, que pasou polo Concello, onde asinou no libro de honra. O alcalde, Dani Vega, concelleiras e concelleiros así como representantes de institucións e colectivos sociais (Aduanas, Acisa, Real Club Náutico de Ribadeo, Xuíz de Paz suplente, xefe da Policía Local) participaron nesta xornada de celebración que continuará pola tarde e pola noite con diversas propostas musicais.
