O portavoz Antonio Ameijide e o deputado provincial Clemente Iglesias visitaron A Pontenova xunto á portavoz municipal, Conchita Novo, para comprobar o estado das obras despois de que o goberno provincial aprobara resolver o contrato coa construtora
A Pontenova, 9 de setembro de 2025. Os populares preguntan ao goberno de PSOE e BNG na Deputación de Lugo cando van rematar as obras da residencia e centro de día da Pontenova despois de que o goberno provincial aprobara na xunta de goberno do pasado venres resolver o contrato coa construtora.
O portavoz provincial, Antonio Ameijide, e o deputado Clemente Iglesias, visitaban a localidade xunto á portavoz do PP local, Conchita Novo, un ano despois de ter advertido xa da lentitude das obras de construción do edificio para o centro de atención a maiores que “xa debería estar rematado”.
Os populares esixen explicacións ao goberno de PSOE e BNG porque tras o inicio das obras en setembro de 2022 e cun prazo de execución de 15 meses, “a realidade é que, a día de hoxe, tres anos despois, seguen sen rematar”, segundo advirte o portavoz provincial. Nese sentido, “preocúpanos a situación desta residencia agora que o goberno provincial decide romper o contrato coa construtora sen que a obra estea rematada”.
Ameijide afea as “constantes mentiras” en relación ás residencias provinciais por parte de PSOE e BNG. A residencia da Pontenova fora anunciada no 2018 asegurando que estaría rematada no 2019. O contrato para a súa construción fora formalizado en agosto do 2022 e as obras comezaron en setembro dese mesmo ano acumulando ata tres ampliacións de prazo. “A realidade é que os veciños agardan por un servizo prometido fai sete anos, pero que non chega”.
Os populares esixen o remate das obras e a apertura do servizo canto antes e pregúntanse canto vai costar cada praza: “se vai costar o mesmo que nas outras nove residencias da rede provincial que están abertas ou se o goberno de PSOE e BNG pretende que coste un 60% máis, como na residencia de Becerreá”.
“Dende o Partido Popular continuaremos reclamando a finalización da obra e a posta en marcha do servizo de atención a 30 persoas en réxime de residencia e a 20 no centro de día que, ademais, suporá a creación de postos de traballo no municipio”. E, tamén, “continuaremos defendendo a igualdade entre os veciños e veciñas da provincia” porque “non pode ser que algúns veciños e veciñas teñan que pagar máis polo mesmo servizo na rede de residencias da Deputación como pretenden o PSOE e o BNG no caso da residencia de Becerreá”, segundo apunta Ameijide.
RESIDENCIAS COMPROMETIDAS E CENTROS DE DÍA SEN ABRIR
O portavoz provincial lembra que “o centro comarcal de Becerreá que xa está rematada continúa pechado”, pero “tampouco están en funcionamento outras sete residencias comprometidas”, a maioría no mandato 2015-2019. Nalgúns casos están en construción con importantes atrasos a de Guitiriz e a da Pobra do Brollón. E, noutros, nin sequera se empezaron a construír coma no caso de Cervantes, Folgoso do Courel, Ourol, Pantón e Portomarín.
Así mesmo, o popular lembra que “tampouco están en marcha ningún dos centros de día das residencias provinciais que están abertas”. É dicir, “o goberno de PSOE e BNG incumpre o seu propio compromiso de prestar atención diúrna nos centros da Deputación”.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
