“O servizo de Madrugadores chega ao rural e nas próximas datas abrirá o novo Punto de Atención á Infancia”, asegura Marta Rouco
Vilalba, 16 de setembro de 2025. O Concello de Vilalba reforza e consolida os servizos de xestión municipal que presta nos centros educativos no curso 2025/26 que comeza hoxe.
Entre as principais novidades, destaca que o servizo de Madrugadores chega por primeira vez ao rural e a apertura nas próximas datas do novo Punto de Atención a Infancia (PAI), con 20 prazas gratuítas de cero a tres anos. “Eran dúas demandas das familias de Vilalba que son unha realidade este curso, favorecendo a súa conciliación para que queden a vivir aquí e impulsando políticas que melloran a vida diaria das persoas”, asegura a alcaldesa, Marta Rouco.
O Concello de Vilalba destina un millón de euros a xestionar de forma directa servizos nos centros educativos, “unha prioridade para o goberno local, pero tamén outro exemplo de que o concello asume excesivas competencias impropias que lle deberían corresponder á Xunta, xa que ten as competencias en materia de ensino”, engade Rouco.
O concello xestiona o citado servizo de Madrugadores en todos os centros de Infantil e Primaria de Vilalba (110 prazas a día de hoxe).
Nas parroquias, xa está operativo no CEIP Terra Chá e o concello ofreceuno tamén no CEIP Monseivane, aínda que polo de agora non se presta por falta de demanda.
O concello ofreceu tamén aumentar o número de prazas do servizo de Madrugadores nos CEIP Mato Vizoso e Ínsua Bermúdez, pero os centros non dispoñen de espazo para o incremento.
“De cada ao vindeiro curso, estudaremos de novo a ampliación no Mato Vizoso e o Ínsua Bermúdez, e volveremos ofrecelo no Monseivane”, apunta Rouco.
“Tamén son de xestión municipal o comedor da Escola de Educación Infantil e a Escola Infantil Municipal”, explica Paula Vigo, concelleira de Ensino de Vilalba.
Á marxe destes servizos, o Concello de Vilalba destina, entre outras partidas, 70.000 euros ao convenio co Consorcio Galego de Benestar por ter unha escola infantil Galiña Azul en Vilalba, e asume o custo da limpeza e a conserxería de todos os centros (500.000 euros anuais), nos que tamén realiza as tarefas de mantemento.
Por último, onte publicouse a concesión por parte do Concello de Vilalba de 121 axudas de material escolar para o alumnado de Educación Infantil.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
