Os populares lembraron que “a postura da esquerda sobre o proxecto de Altri non sempre foi a mesma: antes das eleccións ao Parlamento de Galicia aplaudían”
Lugo, 16 de setembro de 2025. Os representantes do PP lucense no Congreso -Jaime De Olano- e no Senado -José Manuel Barreiro- aclararon, en relación ás propostas de Sumar e do BNG, que “piden ao Goberno central que faga o que non lle corresponde” e, incluso, “que prevarique”.
Os populares criticaron que “a esquerda queira que sexan os políticos os que establezan os obxectivos medioambientais. Iso sería prevaricar. Que decidan os políticos en función de se lles gusta ou non, non é serio”, como dixo Barreiro que defendeu “a transparencia e o rigor dos informes técnicos que o avalan”.
Pola contra, o que defende o Partido Popular e a Xunta de Galicia é que “sexan os técnicos os que valoren se os proxectos cumpren a normativa medioambiental”. Nese sentido, De Olano subliñou que “todos os informes son favorables. Non teñen un só reproche da Unión Europea”.
Así mesmo, afearon que o BNG “cuestione o papel dos funcionarios en xeral e, en particular dos 40 técnicos da Xunta, sen vinculación política, que informaron con arranxo ao que marca a lei”, segundo subliñou o senador. Piden que decida os políticos en función de se lles gusta ou non. Non é serio”.
Ambos lembraron que a postura da esquerda en relación a Altri non sempre a mesma. “Todos os grupos de esquerdas que agora critican o proxecto antes das eleccións ao Parlamento de Galicia non facían senón aplaudir”, apuntou De Olano. Barreiro citou, máis concretamente, casos de alcaldes do BNG e do PSOE. “O alcalde de Ribadeo -daquela do BNG- e das Pontes -do PSOE- pedían que fora para os seus municipios. Daquela valíalles”.
SÁNCHEZ E OS “SOSPEITOSOS HABITUAIS” DE FACER DANO A GALICIA
De Olano incidiu dende o Congreso en que “o bloque de esquerdas -BNG, PSOE e Sumar – aparece cando se lle pode facer dano a Galicia. Da igual que falemos de industria, de medio ambiente, de financiamento autonómico ou de transportes. Son os sospeitosos habituais de facer dano a Galicia”.
E desmentiu os bulos da esquerda. “Con Altri non se vai fabricar pasta de celulosa para fabricar papel; senón fibra téxtil -concretamente lyocell- cuxo proceso é moito menos contaminante que o da fabricación de papel, xa que recicla case o 99% dos químicos”, apuntou. E, así mesmo, indicou que o proxecto gamma “usará o excedente de madeira dispoñible para a corta que non está sendo aproveitado actualmente”. Polo tanto, “non hai eucaliptización”.
De Olano incidiu en que “o proxecto depende unicamente do Goberno de Pedro Sánchez tanto pola necesaria conexión á rede de transporte a través dunha nova subestación tanto como pola axuda pública que se lles puidera outorgar a través de fondos europeos. E afea que “a esquerda nos quere negar aos galegos fondos europeos” e, nese caso, “o único responsable será o Goberno de Pedro Sánchez e os sospeitosos habituais da esquerda”.
En relación ao referendo sobre Altri que pide Sumar, o popular lembrou os resultados das europeas xusto despois de coñecer o proxecto. En Palas de Rei, onde está prevista a súa instalación, o Partido Popular posou dun 48,88% en 2019 a un 60,22% no 2024. Sumar contou cos votos de 5 veciños.
“Se queren referendo, falen con Sánchez e que convoque eleccións e os galegos, como sempre facemos, apoiaremos aos que queren o progreso da nosa terra e non aos sospeitosos habituais que só queren facerlle dano”, subliñou.
BARREIRO: “O BNG EN MADRID DEFENDE O CENTRALISMO”
O senador José Manuel Barreiro destapou durante a súa intervención na Comisión de Industria “a dobre cara do BNG: di unha cousa en Galicia e outra en Madrid. Descubrirmos que é centralista ao pedir ao Goberno central que revise con detalle a proposta”. Ao respecto, o senador popular sostivo que “ata agora neste país respectouse o marco competencial de cada CC.AA.”.
Barreiro tamén lembrou que “o BNG está en contra de todo”. Pero “por iso está onde está en Galicia”.
PROXECTO VINCULADO Á INDUSTRIA FORESTAL E TÉXTIL
Ambos representantes do PP lucense nas Cortes Xerais defenderon que “o proxecto de Altri convertería a Galicia e a España nun referente a nivel europeo na fabricación de fibra téxtil” apuntando a vinculación da industria forestal e téxtil con Galicia.
Trátase “dun proxecto innovador que fomenta a economía circular coa incorporación do reciclaxe de residuo téxtil a gran escala minimizando a pegada de carbono e o impacto ambiental”.
Ademais, “aportaría 9.000M€ ao PIB de España e 7.500M€ ao de Galicia en 20 anos, crearía 500 empregos directos e 3.700 indirectos e por cada euro mobilizado, xeraría 3 en Galicia”, como destacou De Olano.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
