A instalación das novas balizas láser, para mellorar a visibilidade do treito durante os episodios recorrentes de néboa, segue pendente a pesar de que en 2021 se seleccionou esta solución técnica
Lugo, 22 de setembro de 2025. Os senadores do PP lucense -José Manuel Barreiro, José Manuel Balseiro e Juan Serrano- cuestionan que a “desmesurada recadación” que o Goberno de España está ingresando como resultado das sancións que impoñen os radares no tramo do Fiouco, na autovía do Cantábrico (A-8), non se estean a traducir en novos investimentos para mellorar a seguridade das vías.
O senador mariñán, José Manuel Balseiro, lembra que, “desde o ano 2021, agardamos pola instalación das novas balizas láser” que permitirían mellora a visibilidade deste treito da autovía A-8 ante os recorrentes episodios de néboa que sufre. “Seguimos sen avances, co proxecto nun caixón”, a pesar de que hai 4 anos o Goberno explicaba que escolleron esta tecnoloxía de guiado tras avaliar diferentes solucións técnicas a implantar nese punto negro da autovía lucense.
Os “ingresos excepcionais” que o Goberno recibe por estas sancións tampouco repercuten na mellora da estrada N-634, que serve de itinerario alternativo cando a autovía pecha ao tráfico por deficiente visibilidade. Na Mariña “hai un clamor social e unanimidade política” ante a necesidade de intensificar as tarefas de conservación e mantemento nesta estrada nacional, que soporta unha elevada carga de tráfico. Balseiro lembra que o asfalto desta vía de titularidade estatal presenta deterioro e tamén son necesarias outras melloras en materia de iluminación, nos carrís de adiantamento e no trazado ou reforzar o peche que impide que entren animais na vía.
O RADAR QUE MÁIS MULTA
Balseiro lembra que o paso da autovía A-8 polo alto do Fiouco “atesoura tamén outros récords moi negativos”, como é o caso de ser o treito viario que máis peches rexistra de España, aínda que se viron reducidos os últimos anos coas novas balizas de sinalización, que en todo caso son insuficientes para evitar accidentes. “A isto hai que engadir que volve a confirmarse que ten os radares que máis multan na provincia e, probablemente, do conxunto de Galicia”.
De feito, o Goberno de España confirmaba, en resposta oficial aos senadores populares lucenses, que o sistema de control da velocidade instalado por Tráfico na autovía do Cantábrico “recada máis de un millón de euros cada ano, con 17 sancións diarias de media”. A autovía A-8 ao seu paso polo alto do Fiouco conta hoxe con dous radares de tramo, un no quilómetro 550,200, en Mondoñedo, cunha lonxitude de 4.633 metros e outro, na dirección contraria, no punto quilométrico 545,115, entre Abadín e Mondoñedo, cunha lonxitude de 5.116 metros. As sancións teñen que ver con excesos de velocidade neses tramos.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
