Primeira parte para o Burela e segunda para o Jaén nun bonito ye competido encontro no que os de David Rial tuvieron máis tino, aguantando firmes o xogo de 5
Burela, 27 de setembro, 2025. Estrea da 2ª División de Fútbol sala no pavillón Vista Alegre nesta segunda xornada, onde os Pícaros se enfrontaron ao Avanza Jaén Paraíso Interior nunha animada bomboneira. Un bonito partido na casa, cunha primeira parte dominada polo Burela e unha segunda parte na que o conxunto burelense sufriu máis ante un intenso Jaén que non logrou anotar a pesar das numerosas ocasións.
Empeza con forza o partido para o Burela cun gol no minuto 1 nunha recuperación de Charly na área rival, case na liña de fondo, que lla pasa a Alberto marcando a pracer. Continúan dominando os burelenses deixando poucas ocasións de tirar a porta ao conxunto visitante. No minuto 8 chega o segundo dos locais cun gol de Pitero nun penalti. Comezan as ocasións para o conxunto jaeniense pero non logran finalizar con éxito, manténdose durante uns minutos na área rival. Xogo de balón e poucas chegadas a portería, unha de Charly no minuto 17 que atrapa Coello e un bo despexe de João Silva no 18 a un disparo de Giasson. Chega ou descanso con 2-0 non marcador.
Primeiros mintuos da primeira parte de novo con moito xogo de balón pero non moitas finalizacións, minutos competidos nos que ambos equipos buscan o tanto. Paradón de João no minuto 28 e ocasión de Jason cun disparo frontal tras un saque de corner que detén Conejo e vólvea a ter Alán tras unha recuperación de Jason pero vaise polo fondo demasiado cruzada. Lánzaa fóra Jackson no minuto 29 nun remate dende a área e no 31 Aitor por encima do traveseiro. Numerosas ocasións do Jaén pero chega o terceiro do Burela no minuto 34, un gol de Pitero a portería baleira nunha saída e perda de Conejo. Segundos despois Jaén aposta por xogo de 5 pero as ocasións laranxas non cesaron, o cuarto a punto estivo de chegar outra vez sen guardian baixo paus. Continúa xogando de 5 o Jaen ata o final do encontro, con oportunidades pero a defensa do Burela mantense férrea ata o pitido final.
Ficha Técnica Burela FS 3-0 Avanza Jaén Paeaíso Interior
Burela FS (3): João Silva; Pitero, Charly, Alberto, Izan, -quinteto inicial-, Marquinho, Jason, Meira, Alán,
Avanza Jaén Paraíso Interior (3): Conejo; Dani Giasson, Hugo Martínez, Aitor, Titín -quinteto inicial-, Ureña, Jackson, Iván Gemes, Joseliyo, Mario, Antonio Quesada (P), Pablo Escribano (C), Molero, Tincho.
Goles: 1-0, min. 1: Alberto. 2-0, min. 8: Pitero. 3-0, min.34: Pitero.
Árbitros: Bernardo Simón, Brian Torquemada, Javier Menéndez, Clara Diez.
Incidencias: Viron a tarxeta amarela, por parte dos locais, Pitero, Marquinho, Alán, João Silva, Jason e David Rial. Por parte do equipo visitante, Titín e Conejo.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
