A administración local apela ao civismo e lembra que estes feitos danan o patrimonio de todos
Viveiro, 29 de setembro de 2025. O Concello de Viveiro rexeita os actos de vandalismo rexistrados na área etnográfica de A Insua, onde se realizaron pintadas sobre as pedras que provocaron danos nun lugar singular, cun importante pasado histórico e laboral para a localidade.
Desde o Concello sinalan que «non podemos tolerar accións que deterioran o traballo realizado e comprometen o patrimonio da vila», ao tempo que censuran estes comportamentos irrespectuosos e fan un chamamento ao civismo para coidar e preservar os espazos públicos.
A Insua, vinculada historicamente ao antigo cargadoiro de mineral das minas de ferro da Silvarosa, é hoxe un miradoiro privilexiado sobre a ría de Viveiro e unha zona de valor patrimonial e ambiental, que forma parte da identidade local e do atractivo turístico da cidade. «Accións deste tipo danan a imaxe de Viveiro e afectan ao seu patrimonio e ao entorno natural», engaden.
O Concello destaca que este enclave foi recuperado mediante fondos públicos e lembra que a súa protección é unha responsabilidade compartida que require do compromiso de todos. Neste sentido, a Ordenanza municipal reguladora da convivencia, limpeza e residuos prohibe expresamente as pintadas e calquera dano ao mobiliario urbano, e prevé a execución subsidiaria, sen prexuízo da imposición das sancións correspondentes. As multas establecidas van desde 50 euros para as infraccións leves ata 3.000 no caso das moi graves.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
