Olimpia López subliñou que Mondoñedo é un concello seguro e que a cooperación institucional e o civismo da veciñanza son fundamentais para manter esa estabilidade
Lugo, 8 de outubro de 2025. A subdelegada do Goberno en Lugo, Olimpia López, presidiu hoxe a Xunta Local de Seguridade de Mondoñedo xunto ao alcalde, Manuel Ángel Otero, na que se abordou o operativo especial das festas de As San Lucas 2025, que terán lugar do 16 ao 20 de outubro.
O encontro serviu tamén para reforzar a coordinación entre o Concello, a Garda Civil e a Policía Local, de cara a garantir un desenvolvemento seguro e ordenado desta cita declarada Festa de Interese Turístico de Galicia.
“O compromiso do Goberno de España co Concello de Mondoñedo é total, tanto no apoio operativo das festas como na educación en valores de convivencia e seguridade que se promove nos centros escolares”, sinalou López.
O operativo especial prevé reforzar a presenza da Garda Civil nas zonas de maior afluencia, así como intensificar os controis de tráfico e prevención en colaboración coa Policía Local, especialmente durante a tradicional Feira de Gando Cabalar e os concursos morfolóxicos.
Durante a reunión, Olimpia López destacou que Mondoñedo mantén moi baixos índices de criminalidade, grazas ao labor da Garda Civil e á colaboración veciñal.
A subdelegada salientou que “a seguridade é froito da cooperación entre administracións e do civismo da cidadanía”, e agradeceu o traballo dos efectivos despregados no municipio.
As San Lucas representan unha das citas máis senlleiras da tradición galega, que combina cultura, feira cabalar e dinamización económica.
A subdelegada destacou o labor da Asociación As San Lucas e do Concello de Mondoñedo por manter viva unha festa que “proxecta a identidade mindoniense e impulsa o turismo de toda a comarca”.
Seguridade cidadá no concello
Segundo a Garda Civil, a criminalidade en Mondoñedo reduciuse arredor dun 20% no primeiro semestre de 2025 en comparación co mesmo período do ano anterior, tanto en delitos graves e menos graves como en delitos leves.
Tamén se rexistrou unha diminución notable das detencións, o que confirma a tendencia positiva na seguridade cidadá e o bo funcionamento das medidas preventivas.
Plan Director nos centros educativos
No marco do Plan Director para a Convivencia e Mellora da Seguridade Escolar, a Garda Civil impartiu durante o curso 2024/2025 un total de 14 sesións formativas en centros educativos de Mondoñedo.
As charlas abordaron temas como o acoso escolar, o uso seguro de internet, as adicións e videoxogos, os delitos de odio ou a seguridade viaria, co obxectivo de previr riscos e fomentar unha convivencia responsable entre a mocidade.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
