Ribadeo, 17 de outubro de 2025. Ribadeo acolle o primeiro Foro Down Tan iguais coma diferentes da provincia. Será o 25 de outubro ás 10:00 horas no auditorio municipal en colaboración coa Asociación Down Lugo e a Xunta de Galicia.
O Concello de Ribadeo, a través da Área de Benestar Social, Saúde e Familia, organiza xunto coa Asociación Down Lugo o Foro Down, aberto para toda a poboación que queira asistir, e que ten como finalidade dar visibilidade ás capacidades das persoas con discapacidade, promover a diversidade e impulsar a súa plena inclusión na comunidade.
A concelleira Elena Sierra sinala que “este encontro quere ser un espazo de aprendizaxe, participación e convivencia, no que a sociedade poida coñecer de preto as experiencias e o talento das persoas con síndrome de Down e outras discapacidades intelectuais, fomentando así unha mirada positiva e inclusiva”.
O programa do Foro inclúe diferentes propostas durante todo o vindeiro sábado, 25 de outubro, comezando no auditorio cunha conferencia do doutor Gonzalo Berzosa, experto en down na inclusión e diversidade, que achegará unha reflexión enriquecedora sobre a importancia da inclusión iniciada na familia e como medra na asociación na vida adulta. Haberá actividades creativas a cargo da asociación As Vacas Fracas para os membros da Asociación Down Lugo, que dinamizarán a xornada cunha proposta lúdica e participativa. A comida compartida entre os organizadores e colaboradores, coa colaboración de Galipizza, que apoia o evento ofrecendo a súa contribución gastronómica. E, por último, no Teatro municipal terá lugar unha representación teatral gratuíta para todo o mundo protagonizada polas persoas con síndrome de Down do teatro da Asociación Down Lugo, unha mostra de talento e capacidade artística que porá o broche de ouro ao foro.
O alcalde, Dani Vega, declara: “o noso compromiso continúa coa inclusión social e co recoñecemento das persoas con diversidade funcional, convencidos de que a diversidade nos enriquece e fortalece como comunidade. Este foro é o inicio dunha colaboración coa Asociación Down Lugo que continuará en 2026, cun traballo encamiñado a dar visibilidade e inclusión ás persoas con algunha discapacidade e que é posible grazas tamén á Xunta de Galicia”.
“Dende o Concello de Ribadeo animamos a toda a veciñanza a participar neste Foro Down, a compartir experiencias e a sumar esforzos por un Ribadeo máis aberto, respectuoso e solidario”, subliña o rexedor ribadense.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
