Viveiro, 17 de outubro, 2025. Este venres clausurouse en Viveiro a décima edición da “Interfederativa de Confrarías de Pescadores do Cantábrico-Noroeste”, un evento que impulsa desde hai anos a Federación Provincial de Confrarías de Pescadores de Lugo, coa colaboración da Consellería do Mar da Xunta de Galicia, para reflexionar sobre temas de interese das frotas artesanais, analizar a súa situación actual e os principais retos de futuro.
A secretaria xeral de Pesca do Ministerio de Agricultura, Pesca e Alimentación, Isabel Artime; a alcaldesa de Viveiro, Mariña Gueimunde; e o presidente da Federación Provincial de Confrarías de Lugo e da Federación Nacional de Confrarías, José Basilio Otero, presidiron o acto de clausura do décimo Congreso de Pesca Artesanal do Cantábrico-Noroeste, no que presentaron un resumo das conclusións e acordos alcanzados entre o sector pesqueiro e as administracións.
Previamente, pola mañá levouse a cabo unha reunión de traballo conxunta entre representantes das confrarías e das administracións pesqueiras, tanto de España como das comunidades autónomas do Cantábrico.
Nela, Isabel Artime aproveitou para poñer en valor esta Interfederativa do Cantábrico Noroeste, consolidada xa como un punto de encontro esencial entre o sector da frota de baixura e as administracións públicas, o que favorece o diálogo e a cooperación para avanzar cara a unha pesca máis sostible e competitiva.
Durante máis de tres horas os representantes do sector expuxeron ás administracións as principais conclusións derivadas da primeira xornada da Interfederativa, que se celebrou o xoves pola tarde, e na que participaron representantes das Federacións de Confrarías de Guipúzkoa, Bizkaia, Cantabria, Asturias, Lugo, A Coruña e Pontevedra, así como a Federación Galega de Confrarías.
A clausura do congreso iniciouse coa proxección dun pequeno documental que resume a historia desta Interfederativa, no que interveñen moitas das persoas que formaron parte destes encontros no últimos dez anos.
O presidente da Federación Provincial de Confrarías de Lugo, José Basilio Otero, agradeceu a todas estas persoas o seu destacado papel na posta en marcha e continuidade deste evento, facendo posible un ano máis que se repita este foro de debate.
A continuación, compartiu as conclusións que se debateron na Interfederativa do luns e que se acababan de presentar ás representantes da administración.
Un dos debates centrais da xornada virou en torno ao proxecto de real decreto que regulará as medidas de xestión dos recursos pesqueiros, aínda que tamén se trataron outros temas importantes como as cotas ICCES, a modificación do regulamento de control, o RD 186/2023 do Regulamento de Ordenación da Navegación Marítima, o RD 587/2024, cuestións relacionadas co ISM e con pesquerías concretas, como o atún vermello ou o bonito do norte.
O peche da clausura correu a cargo da alcaldesa de Viveiro, Mariña Gueimunde, agradecida de que este Concello, que conta cun dos portos pesqueiros máis importantes de España, acollese esta décima edición da Interfederativa.
Na súa intervención, destacou que é responsabilidade das administracións fomentar o diálogo co sector e buscar solucións a todas as problemáticas que hoxe en día sofre a pesca. Son moitas as familias de Viveiro, Galicia e norte de España que viven directamente da actividade do mar, e por iso é necesario este tipo de encontros para loitar polo futuro da pesca artesanal.
O encontro, que tivo lugar durante dous días nun Resort da localidade, contou tamén coa asistencia doutros representantes das administracións central e autonómicas, como a directora xeral de Ordenación Pesqueira e Acuicultura, Mª Aurora de Blas Carboeiro; o director xeral de Pesca Sostible, Ramón da Figuera Morais; o director xeral de Pesca, Acuicultura e Innovación Tecnolóxica da Xunta de Galicia, Cándido Rial Rodríguez; o subdirector xeral de Pesca da Xunta de Galicia, Pedro Ribeiro Domínguez; o director xeral de Pesca Marítima do Principado de Asturias, Francisco González Rodríguez; o director de Pesca e Alimentación de Cantabria, Paulino San Emeterio; o viceconsejero de Pesca e Desenvolvemento Litoral do País Vasco, Leandro Azkue Múgica; e a directora de Pesca e Acuicultura do País Vasco, Ixone Soroa.
Tamén estiveron presentes a directora do Instituto Social da Marina, Elena Martínez, e, por parte da Marina Mercante, a subdirectora xeral de Seguridade, Contaminación e Inspección Marítima, Ángela Pazó dos Santos; e o conselleiro técnico de Seguridade e Medio Ambiente de Galicia, Francisco Alonso.
No acto de clausura uníronse os representantes das organizacións de pesca da provincia, como Porto de Celeiro, Armadores de Burela, OPP-77 de Celeiro e OPP-7 do Porto de Burela; ademais doutras entidades pesqueiras e financieiras do eido local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
