“Mentres o Goberno galego contempla fondos para conservar as súas infraestruturas; o bipartito de Vilalba recórtaas” de forma que “todos os vilalbeses e vilalbesas ponde comprobar o mal estado de moitos inmobles de titularidade municipal”, engaden
Vilalba, 22 de outubro de 2025. O PP de Vilalba convida á alcaldesa a “facer un exercicio de reflexión” e “contar a verdade aos vilalbeses. En lugar de facer demagoxia, debería recoñecer os investimentos millonarios do Goberno galego en Vilalba. A rexedora debería saber, como mínimo, as achegas que o Concello recibe directamente da Xunta de Galicia” e ás que hai que sumar outros servizos que presta a administración autonómica e outras achegas a particulares, empresas e asociacións.
No ano 2024, segundo indican, o Concello de Vilalba recibiu máis de 2M€ para o SAF, 1M€ do Fondo de Cooperación Local -que será incrementado no 2026 segundo recollen os orzamentos do Goberno galego-, máis de 500.000€ para as escolas infantís, máis de 190.000€ para o mantemento do paseo e a área recreativa da Madalena, máis de 123.000€ para a creación do Punto de Atención á Infancia, máis de 110.000€ para a mellora de camiños, preto de 100.000€ en apoio á contratación de persoal e 60.000€ para o pavillón do Mato Vizoso. “Todas estas achegas que superan os 4M€ diríxense directamente á administración local”, inciden.
As contas do Goberno galego, presentadas en tempo e forma, logran baixar impostos aos galegos e galegas sen recorrer ao endebedamento. “É un exemplo de xestión fronte ao Goberno de Sánchez que leva anos cos Presupostos prorrogados ou, incluso, o goberno vilalbés que gobernou un mandato coas contas prorrogadas dun goberno do PP”.
Así, destacan que os Orzamentos da Xunta recollen “medidas centradas nas persoas” -increméntanse, por exemplo, as partidas para atención temperá (41%) e a enfermos de alzhéimer (12%)-. E os vilalbeses e vilalbesas, como galegos e lucenses, beneficiaranse de rebaixas fiscais a colectivos vulnerables, apoios para as familias e axudas para empresas, autónomos e particulares; ademais de recibir servizos públicos de competencia autonómica que financia directamente a Xunta de Galicia”, indican. E en partidas finalistas, contemplan preto de 750.000€ para obras en materia de eficiencia enerxética no xulgado de Vilalba e reservan 4,75M€ para a rehabilitación de vivendas a través do programa Rexurbe na provincia de Lugo (Mondoñedo, Ribadeo, Vilalba e Viveiro).
Dende o PP local subliñan que “a alcaldesa non fai máis que demagoxia. Gobernar non goberna. Só se queixa”. En relación ás competencias, acláranlle á rexedora socialista que “o abastecemento de auga e saneamento é un competencia municipal” e que, dentro das competencias que a lei outorga ás deputacións provinciais, atópase o apoio aos Concellos para garantir este tipo de servizos básicos; pero non está a cumprir: nin cos da súa cor política e, moito menos, co resto da provincia”. Recentemente, o goberno provincial -presidido pola mesma cor política que a alcaldesa- rexeitaba unha proposta do PP para que a Deputación colaborase cos Concellos na xestión do ciclo da auga.
Os populares tamén critican “a súa hipocrisía” toda vez que “a socialista fala de desprezo, partidismo e castigo” cando “o goberno provincial de PSOE e BNG reparte os fondos provinciais a dedo con Concellos gobernados polas súas cores políticas, discriminando aos veciños dos Concellos gobernados polo PP”. E engaden que “castigo tamén é o que aplica o Goberno de Sánchez á provincia, especialmente en materia de infraestruturas e mobilidade”. Tamén en relación ao Goberno do Estado, apuntan que “nada se sabe do novo cuartel da Garda Civil que prometera a socialista Elba Veleiro”. Polo tanto, “a señora Rouco non é quen para dar exemplo”.
CONSERVACIÓN DE INFRAESTRUTURAS
Os populares puntualizan que, “dentro das partidas xenéricas, o Goberno galego contempla fondos para conservar as súas infraestruturas –ademais de inmobles, infraestruturas viarias-; a diferencia do bipartito de Vilalba, que as recorta. Á vista está de tódolos vilalbeses e vilalbesas a situación na que se atopan moitas vías municipais e inmobles de titularidade do Concello por falta de mantemento. Un claro exemplo é o auditorio municipal: en lugar de investir 18.000 euros na súa mellora e conservación para garantir a seguridade dos veciños e usuarios, preferiron empregar cantidades similares por exemplo en renovar o mobiliario da alcaldía, facer fotos á alcaldesa ou mercar postais”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
