NOTA DE PRENSA:
Os socialistas opuxéronse á subida de 14 taxas municipais por enriba do IPC actual
O Grupo Municipal do PSdeG-PSOE lanzou unha pregunta ao equipo de goberno: ¿Onde están os cartos acumulados en época de vacas gordas? Os veciños non os ven
O Grupo Municipal Socialista de Cervo votou en contra do que considera un novo episodio de “recadación á desesperada”, que se encadra na tónica oficial do PP de Cervo nos últimos meses.
Incremento das taxas un 4,5%
Dende o Grupo Municipal Socialista, queremos aclarar que non nos opoñemos a unha suba anual do IPC, que e lóxica por outra parte; o que non podemos consentir é que esa suba se realice as portas do mes de decembro, con un IPC galego no 3,4 e que os Sres do PP, apliquen o IPC dun 4,5, correspondente ao mes de setembro.
Taxa do Lixo
Solicitamos a retirada do incremento do IPC da taxa do lixo, debido a que o ano pasado o PP creou unha modificación desta taxa, na que se obrigaba aos veciños a dar de alta no Padrón do lixo, os contadores que tiñan un consumo mínimo destinados basicamente a limpeza de comunidades, auxilios en parcelas, etc. Esta modificación que o PP dicía no pleno do 29 de novembro de 2007 era mais xusta e equitativa, trouxo consigo que as comunidades de veciños en bloque, procederan á eliminación destes contadores, por entender un atropelo as economías, xa que a pesar de que os consumos da auga non chegaban nin ao mínimo, pagaban igualmente este mínimo establecido coa correspondente subida.
Modificación de créditos e recoñecemento de obrigas
O Grupo Municipal Socialista non se opuxo á modificación, en base á responsabilidade política que vimos exercendo durante a lexislatura. As razóns polas que non votamos en contra foron que as partidas que sufriron as modificacións repercuten no funcionamento cotidiano do concello e que teñen que ver coa limpeza, enerxía, transporte escolar, mantemento e en definitiva porque afectan ao funcionamento diario dun concello. En total case 500.000 €.
Incapacidade do Equipo de goberno para sacar adiante os presupostos
No obstante o anterior, os socialistas criticamos duramente o feito de que estas modificacións de crédito tan elevadas non serían necesarias si houbera unha boa planificación e o equipo de goberno traballara por sacar adiante os orzamentos; o concello de Cervo traballa con orzamentos prorrogados o que impide inversión e obras no concello, entre outras moitas cousas. O mais grave e o feito de que contan con maioría absoluta e malia iso, acabaremos o 2008 co concello paralizado e os orzamentos sen presentar.
Moción demagóxica do PP
O Grupo Municipal Socialista, votou en contra dunha moción do PP en referencia a Violencia de xénero, por demagóxica no contido, xa que estaba baseado en unha serie de peticións as distintas administracións (sen incluír a municipal), e que era un listado de tódalas accións que actualmente están en marcha dende o goberno central e dende a Xunta de Galicia. Así mesmo, dende as filas socialistas solicitámoslle ao PP que deixara de facer demagoxia e política cun asunto tan grave como é a violencia de xénero e propuxemos a cambio accións conxuntas entre tódolos grupos políticos fronte a esta lacra social, ademais de solicitar implicación dende o concello posto que non existen campañas nin información ao respecto.
O PP non soubo responder onde está o diñeiro das licenzas e o convenio
O Grupo Municipal Socialista lanzou varias preguntas moi claras e concisas ao equipo de goberno á vista das subidas continuas das taxas municipais e á creación das novas como a do PAI, moi criticada polos veciños por inxusta e cara: ¿Onde está o diñeiro das licenzas concedidas a mais de 1500 vivendas?. O goberno de Cervo aludiu á riqueza que a construcción traería ao noso concello, pero lonxe dos pronósticos populares, o concello de Cervo perde poboación, servicios e calidade de vida a costa de concellos veciños os veciños coma Burela e Xove. Entonces, ¿a donde foi a parar todo este diñeiro, que hoxe serviría para manter servizos de balde e fixar poboación?. Non tivemos contestación.
Enfado no PP por unha foto no local do PSOE Cervense
O PP mostrou o seu enfado pola foto colocada no local do PSOE de Cervo, na que se mostra un contenedor amarelo a rebosar, xunto con enseres ao pe do contenedor, e restos de bolsas que non collían no mesmo. Xunto coa foto, aparecen as declaracións do PP na prensa dicindo que non existen deficiencias na recollida. A foto en cuestión está tomada o pasado día 19 de Novembro as 14:44 h, ante o enfado dos vecinos polas declaracións dos populares negando a evidencia. Foron os propios vecinos os que chamaron para denunciar os feitos.
En Cervo, a 28 de novembro de 2008
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
