O delegado territorial de Lugo, Javier Arias, explicou que o Goberno galego mobilizou este ano na Comunidade máis de 180M€ en programas do Igape, e 40,7M€ para preto de 8.700 autónomos
Viveiro, 25 de outubro de 2025. Un centenar de persoas participaron hoxe en Viveiro no foro económico “Unha mirada ao futuro de Viveiro e A Mariña”, impulsado pola Xunta de Galicia e a Confederación de Empresarios de Lugo (CEL) no marco da iniciativa Conecta Lugo.
O delegado territorial de Lugo, Javier Arias, afirmou durante a clausura que a xornada foi concibida “como un espazo de aprendizaxe e de conexión real entre persoas, proxectos e ideas”, con achegas desde o ámbito empresarial e asociativo, as administracións públicas e a Universidade. Incluíu unha conferencia sobre “A oportunidade dunha Galicia industrial verde e sostible”, e dúas mesas redondas acerca do futuro de Viveiro e dos sectores estratéxicos da Mariña, con especial atención ao forestal.
Arias subliñou o apoio do Goberno galego ao tecido produtivo, facilitando financiamento para a posta en marcha e consolidación dos proxectos. Entre outras achegas, afirmou, o IGAPE mobiliza este ano no conxunto da Comunidade máis de 180 M€ en axudas e créditos brandos para pequenas e medianas empresas, cooperativas e emprendedores. No mesmo período, a Consellería de Emprego, Comercio e Emigración destina máis de 40,7 M€ para beneficiar preto de 8.700 autónomos galegos.
O delegado destacou o importante labor de asesoramento que tamén realiza a Xunta a través da Rede de polos de emprendemento ou desde a Oficina Económica de Galicia, “un acompañamento directo, áxil e personalizado para materializar unha idea de negocio, acceder ás axudas dispoñibles e reducir trámites administrativos”.
Neste marco, sinalou que os foros do Conecta Lugo son inspiradores grazas “aos exemplos de empresas locais en crecemento, que demostran que na contorna temos grandes referentes emprendedores e que o futuro constrúese con visión e compromiso”.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
