Lugo, 7 de novembro de 2025. A Asociación Cultural Avelino Díaz celebra o vindeiro sábado -8 de novembro- en Riotorto a IV Polavila por Avelino Díaz, que lembra ao poeta de Órrea no 128 aniversario do seu nacemento cunha xornada arredor da música e da cultura tradicional.
A actividade, que conta co apoio da Vicepresidencia da Deputación de Lugo, comezará ás 11.00 horas cun taller de procesado de lá a cargo de Teté Mareque, coa que a asociación revivirá as tarefas necesarias para transformar a lá en fíos para a calceta ou o tear e para o recheo de colchóns nas casas.
Ás 17.00 horas, a mestra e divulgadora da música tradicional Branca Villares ofrecerá un obradoiro de cantos populares, gratuíto e aberto á participación de quen se achegue á Polavila, no que amosará as fórmulas máis populares das letras e músicas tradicionais e no que proporá unha versión musical dun poema de Avelino Díaz.
A animación musical manterase toda a xornada con actuacións de A Chocolateira da Pontenova antes do xantar, Asubíos da Chaira de Cospeito, Grupo de Música e Baile Tradicional de Pastoriza, A Volta do Agro, durante a tarde, e o concerto de Os Melidaos, ás 22.00 horas.
A asociación comezou con estas xornadas outonais en lembranza de Avelino Díaz hai catro anos, no 125 aniversario do seu nacemento, e desde aquela, alternan a celebración entre Riotorto e Meira, os dous concellos en que viviu o poeta, recuperando as súas tradicións.
A deputada de Cultura Iria Castro valorou “o traballo que a Asociación Cultural Avelino Díaz desenvolve para recuperar e dar visibilidade á súa obra, con actividades que tratamos de acompañar e apoiar desde á área de Cultura como facemos co tecido asociativo e cultural da provincia” e destacou “a importancia de celebracións como a do vindeiro sábado para popularizar a súa figura e reforzar o sentimento de comunidade arredor das tradicións e dos referentes culturais propios”.
Exposición sobre as cantareiras
A colaboración entre a Asociación Cultural Avelino Díaz e a Vicepresidencia da Deputacion amplía a actividade cultural en Riotorto máis aló da Polavila do sábado coa instalacion na Casa da Cultura de Riotorto da exposición “Un ano en cantigas. Cantareiras e cantares”, deseñada con motivo da homenaxe ás cantareiras e á poesía oral polas Letras Galegas, con textos de Branca Villares e fotografías do APOI.
Arredor da mostra, que poderá verse na Casa da Cultura do 12 ao 15 de novembro, organizarase un obradoiro musical para as nenas e nenos do colexio e da casa niño de Riotorto.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
