Ribadeo, 12 de novembro de 2025. Do 13 ao 16 de novembro terán lugar unhas xornadas arredor da Ría de Ribadeo, que están organizadas polo Concello. Haberá charlas, mesas redondas, visitas guiadas e degustacións gastronómicas.
A concelleira de Cultura, Begoña Sanjurjo, indicou que “as xornadas sobre a ría de Ribadeo, enmarcadas en Ribadeo cara o mar, terán lugar do 13 ao 16 de novembro. Son unhas xornadas que en 4 días terán moitas visitas guiadas, serán moi dinámicas e tamén terán en cada día unha sesión que nos propoña unha reflexión sobre a ría”.
A edil relatou que “o primeiro día, o xoves, comezaremos ás catro da tarde cunha xeoruta de Porcillán a Rocas Brancas. Ás seis da tarde no Salón dos Alcaldes, os rexedores dos Concellos da Veiga, Ribadeo e Castropol van reflexionar sobre a ría como espazo social, identidade compartida por estes tres territorios. O venres comezaremos ás once cunha visita guiada no porto pesqueiro. Às doce haberá unha xeoruta, neste caso iremos de Porcillán ás Aceas. Ás catro e media faremos unha visita guiada pola ruta comercial do Ribadeo ilustrado. E ás cinco e media da tarde, neste caso na biblioteca municipal, teremos a segunda sesión de reflexión: a ría de Ribadeo e o seu patrimonio cultural subacubático, que será impartida por Miguel San Clodio”.
Sanjurjo contou que “o sábado 15 comezaremos ás once da mañá cun avistamento de aves, ás catro e media unha visita guiada ao Ribadeo Indiano, ás cinco media a sesión terceira será sobre a ría como ecosistema vivo, con preservación e biodiversidade, impartida neste caso no Salón dos Alcaldes por Dani Prieto e remataremos este dia cunha degustación gastronómica. O domingo ás dez e media da mañá daremos un paseo un barco pola ría e unha visita guiada, ás doce da mañá cuarta sesión, que será unha mesa redonda sobre os retos de futuro, economía azul e turismo sostible na ría de Ribadeo. Participarán a Mancomunidade de Concellos da Mariña, a Xunta de Galicia e Club Náutico de Ribadeo. A sesión será neste último espazo, no Club Náutico. Remataremos estas xornadas cunha degustación gastronómica e con amenización musical, non mesmo Club Náutico”.
A concelleira de Cultura dixo que “é unha actividade gratuíta para a que podemos inscribirnos en turismoribadeo.gal ata completar a cabida, que é de 50 prazas. Anímovos a todos a participar”.
O alcalde, Dani Vega, tivo palabras de agradecemento para a organización do evento, que pilota a Concellería de Cultura: “eu quero, o primeiro, felicitar a Begoña e aos técnicos municipais da Área de Cultura por facer este tipo de actividades que queren poñer en valor, evidentemente, unha cultura presente, un patrimonio que temos e que debemos explicar, debemos informar e debemos evidentemente coidar entre todos”.
Para o rexedor “saber captar os fondos é moi importante, do GALP, da Xunta de Galicia, que nos converte no Concello que máis fondos europeos e máis fondos do GALP está xestionando. Creo que isto tamén é moi importante. A veces non se di moito, pero creo que hai que resaltalo”.
Vega indicou que “Ribadeo cara o mar non é máis que unha plataforma que quere poñer en valor todo un patrimonio, un territorio, que hai tres realidades, por iso felicito tamén os alcaldes tanto de Vegadeo como de Castropol que veñan reflexionar a Ribadeo, nesa mesa, nese espazo aberto que quere poñer en valor todo un espazo social que ten unha identidade compartida, qué importante dicir isto, entre tres territorios, pero que nos fai comarca única e creo que debemos seguir traballando nesa liña. Por iso agradezo a Fran e a César que acudan a Ribadeo e traballemos, como sempre, conxuntamente. Haberá visitas guiadas, xeorutas, mesas e espazos abertos que tamén queren falar sobre o patrimonio cultural, o futuro, todo o patrimonio arqueolóxico submarino que temos en Ribadeo, tamén a ría como ecosistema vivo, a conservación, a biodiversidade, todos estes espazos de reflexión, de debate, de explicación técnica, eu creo que é moi importante que se poñan en valor e que se expliquen a través dunhas xornadas como son xornadas Ribadeo cara o mar”.
O alcalde engadiu: “tamén vai ver unha mesa de análise e de traballar conxuntamente as administracións no futuro. A mesa redonda Os retos do futuro, o ecosistema e a economía azul, o turismo sostible, a ría de Ribadeo como elemento dinamizador, creo que é significativo que Ribadeo está mandando unha mensaxe dun turismo de calidade, sostible e convivindo co noso medio ambiente. Felicitar todo este traballo tan importante que debemos poñer en valor e o Concello de Ribadeo ten que seguir xestionando orzamentos para facer actividade cultural e tamén para conservar todo un legado histórico de patrimonio arquitectónico da nosa ría, que é unha ría compartida, unha ría que convive dentro de tres realidades, pero dun territorio único e que sigue avanzando”.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
