Paloma Castro considera un “erro grave” a redución á metade nas partidas para equipamento para colaboración entre investigadores e pescadores, que recorta a capacidade de detección das biotoxinas e a resposta ante os peches marisqueiros
Santiago de Compostela, 11 de novembro de 2025. A portavoz de Marisqueo do Grupo Socialista, Paloma Castro, reclamou hoxe un “verdadeiro Plan estratéxico de identificación, seguimento e control das especies invasoras nas rías galegas”. Castro presentou unha pregunta oral na Comisión de Pesca diante do desleixo do goberno galego diante da chegada de especies foráneas, nas que “un pequeno atraso na resposta pode traducirse en danos ecolóxicos e económicos irreversibles”.
Sinalou que as mariscadoras e mariscadores, confrarías e informes técnicos alertan da proliferación deste tipo de especies, como a alga Rugulopteryx okamurae, o cangrexo azul, invertebrados como os chamados “sacos”, ou a “ouxa”, que se estende a Arousa, Muros, Vigo e tamén Pontevedra. Explicou que esta ría de Pontevedra ten perdido por exemplo un 34,5 por cento de volume marisqueiro só entre 2023 e 2024.
Castro reclamou un inventario oficial destas especies, así como estudos sistemáticos sobre o seu impacto no marisqueo, con seguimento e avaliación continuas a través de protocolos de monitorización e accións de control coordinadas coa participación activa do sector mariñeiro. Criticou que o goberno galego “leva anos mirando para outro lado”, con actuacións “fragmentarias, reactivas e sen coordinación efectiva co sector nin co territorio”.
Colaboración entre investigadores e pescadores
A responsable socialista cualificou hoxe de “erro grave” que o goberno galego decidira recortar á metade a partida dos Orzamentos destinada ao equipamento e colaboración entre investigadores e pescadores. Ao pasar de 100.000 a 50.000 euros nesta partida, advertiu, “recortan a capacidade de detección das biotoxinas e a resposta ante os peches marisqueiros”, co que “chegan tarde ás alertas, provocan máis días de peche e polo tanto máis perdas económicas para o sector”.
Así o dixo na comparecencia da directora xeral de Desenvolvemento Pesqueiro para dar conta dos programas de investigación precisamente cando o goberno galego está a caer nun “erro estratéxico” que supón a “redución da vixilancia, a prevención e a seguridade alimentaria” nun contexto de crise profunda do sector marisqueiro e pesqueiro.
Reivindicou “máis ciencia, máis diálogo e máis medios” para traballar conxuntamente co sector, mentres o goberno galego vai no sentido contrario cunha política curtopracista que “prexudica a eficacia da investigación mariña, debilita a transferencia de coñecemento e resta capacidade de resposta diante da crise ambiental e produtiva das rías galegas”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
