Xove, 14 de novembro, 2025. O Concello de Xove vén de inaugurar un novo itinerario natural que conecta o centro urbano co parque multideportivo de Pump Track, situado na entrada do pobo dende o lado de Cervo. Esta nova ruta ofrece tamén continuidade cara á coñecida Ruta dos Muíños, converténdose así nun percorrido ideal para veciños e visitantes que desexen desfrutar da natureza e practicar actividade física ao aire libre.
Un proxecto de recuperación e posta en valor
A actuación supuxo unha inversión municipal de 48.346 €, complementada cunha axuda de 38.677 € da Consellería de Medio Ambiente, ao abeiro do programa Galicia Refuxio Climático.
As obras foron executadas pola empresa Construcciones y Canalizaciones José Saa SL e consistiron na recuperación integral dun antigo camiño tradicional, utilizado noutro tempo polos veciños da Rigueira para acceder ao centro de Xove.
Un camiño con historia, agora para todos
Este carreiro, que fora quedando en desuso e só frecuentado polos propietarios de parcelas próximas, foi completamente acondicionado para o seu uso público. Grazas ás melloras realizadas, a ruta convértese nun espazo accesible, seguro e de gran valor paisaxístico.
Agora, calquera persoa poderá gozar dun paseo que une:
• O centro de Xove
• O parque multideportivo Pump Track
• E a continuación, a Ruta dos Muíños
Un paso máis cara a un Xove máis sostible
Con esta iniciativa, o Concello reafirma o seu compromiso coa mobilidade sostible, a posta en valor do patrimonio natural e a promoción de hábitos de vida saudables. Esta nova ruta é un exemplo de como recuperar espazos esquecidos para poñelos ao servizo da cidadanía e do medio ambiente.
Neste espazo radiofónico, de 12 a 14 horas, Félix Jorquera falará coa directora do IES de Foz, Leticia Maseda, co coordinador do evento, José Ríos, así como con alumnado e profesorado participante e moi implicado nos Campionatos Internacionais de Baristas e Catas de Café, que estes días enchen Foz de xente e de aroma cafeteiro.
Os propietarios, Javier Montero e Tita Iglesias, recolleron o recoñecemento na Coruña, agradecendo o apoio da clientela, do seu equipo —formado integramente por mulleres— e da propia guía. O establecemento mantén esta recomendación desde 2021 e suma tamén un Sol Repsol, obtido en 2024 e renovado para 2026. O hotel restaurante Javier Montero abriu as súas portas en novembro de 2018.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
