As obras fináncianse co convenio logrado pola Alcaldía coa Deputación de Lugo, que achegará un total de case 263.000 euros para mellorar o centro urbano a través de varias actuacións
Vilalba, 27 de novembro de 2025. O Concello de Vilalba vén de adxudicar á empresa Calfensa Proyectos S.L. o proxecto de remodelación integral do parque infantil de Rosalía de Castro, unha actuación que dará resposta á necesidade urxente de rehabilitar este espazo moi deteriorado e de recuperar para a veciñanza unha área de lecer segura e adaptada ás necesidades actuais.
A alcaldesa de Vilalba, Marta Rouco, explicou que “este proxecto non só permitirá renovar un parque moi demandado polas familias, senón que recuperará un espazo público clave, ofrecendo un entorno moderno e pensado para o benestar dos máis pequenos”.
A intervención inclúe a instalación dun novo parque infantil composto por pavimento de caucho continuo de dobre capa, cunha superficie de 100 m² e un recinto delimitado cun valo de madeira.
Ademais, contará cunha casiña de xogos para nenos e nenas a partir de 9 meses, así como cun xogo múltiple con tobogán, randeeira e redes, recomendado para nenos e nenas a partir dos 3 anos.
Previamente, levarase a cabo a retirada das estruturas actuais —tanto xogos como valado e pavimento— debido ao seu avanzado estado de deterioración.
A rexedora destacou tamén que “esta actuación amplía o abanico de instalacións de lecer para a infancia, que merece contornos de xogo coidados e seguros”. Engadiu ademais que “os parques son puntos de encontro fundamentais para as familias, por iso seguimos apostando por remodelar e actualizar espazos públicos que levan anos esperando unha mellora”.
O prazo de execución das obras será de dous meses desde o seu inicio. O proxecto finánciase integramente a través do convenio impulsado pola Alcaldía coa Deputación de Lugo, que achega preto de 263.000 euros para desenvolver diversas intervencións destinadas a renovar e mellorar a imaxe do centro urbano da capital chairega.
A alcaldesa, Marta Rouco, concluíu que “estas actuacións forman parte dun plan máis amplo co que queremos transformar pouco a pouco o noso casco urbano, facéndoo máis amable, accesible e pensado para o uso e desfrute da veciñanza”.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
Ao acto están convidadas a directora xeral de Desenvolvemento Rural e Industrias Agrarias, Mª Begoña López Fernández; o director xeral do Medio Natural, David Villar García; así como as alcaldías dos 14 municipios que forman parte da Reserva, entre outras autoridades.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
