Comezan as actividades dun proxecto de cooperación promovido por todos os Grupos de Acción Local do Sector Pesqueiro de Galicia para a promoción do turismo mariñeiro e pesca turismo no sector Pesqueiro
Viveiro, 5 de decembro, 2025. Os oito Grupos de Acción Local do Sector Pesqueiro de Galicia uníronse na promoción do proxecto de cooperación Mar e Rías: Pesca&Turismo baixo a coordinación do GALP Ría de Pontevedra. Este proxecto nace co obxectivo de estender a todas as comunidades costeiras galegas a promoción das actividades de pesca turismo e turismo mariñeiro dende o sector pesqueiro, tomando como exemplo o modelo desenvolvido no proxecto Mar das Illas, posto en marcha nas Rías Baixas e no entorno do Parque Nacional Marítimo-Terrestre das Illas Atlánticas de Galicia que formou a máis de 250 profesionais do mar, impulsando novas vías de traballo en turismo mariñeiro e pesca turismo.
Desenvolvemento sostible e novas oportunidades
Mar e Rías Pesca&Turismo busca ofrecer ao sector pesqueiro novas fontes de ingreso a través da xeración de experiencias turísticas auténticas que contribúan ao mesmo tempo, á redución do esforzo pesqueiro e ao equilibrio entre actividade extractiva e conservación.
O proxecto tamén promove prácticas respectuosas co medio mariño, fomentando o coñecemento, respecto e coidado dos ecosistemas costeiros.
Estes obxectivos conseguiranse a través da posta en marcha de diversas actividades que se poñen a disposición das persoas que forman parte do sector Pesqueiro e acuícola de toda a costa galega.
Formación, emprendemento e profesionalización
O proxecto desenvolverá talleres de emprendemento, cursos de formación en cada territorio e titorías personalizadas para acompañar ao sector na creación de produtos turísticos mariñeiros sólidos e seguros.
As titorías abordarán:
Adaptación das embarcacións ás esixencias de prevención de riscos laborais,
Adecuación dos barcos para uso turístico,
Vías de comercialización, e a preparación necesaria para emprender con garantías.
As persoas participantes poderán realizar visitas a experiencias xa en funcionamento, aprendendo directamente de profesionais do mar que xa están a ofrecer actividades de éxito. Os GALP seleccionarán as mellores experiencias creadas polo sector para seren presentadas e difundidas á cidadanía.
Xornada Técnica Pesca&Turismo
O proxecto inclúe a celebración dunha XORNADA TÉCNICA DE PESCA&TURISMO, un espazo de encontro entre sector e administracións:
Lugar: Casino de Noia
Data: 12 de decembro
Obxectivo: avanzar na coordinación institucional e sectorial para consolidar o turismo pesqueiro en Galicia.
Formación aberta e accesible
Crearase unha oferta formativa complementaria de tres cursos en liña, entre eles un de iniciación ao inglés turístico, que permanecerán abertos durante seis meses para favorecer a participación do conxunto do sector pesqueiro galego.
Xornada Internacional de Turismo Pesqueiro
Como peche do proxecto celebrarase unha Xornada Internacional de Turismo Pesqueiro, centrada na análise dos avances acadados, a situación actual do turismo.
Un modelo de éxito
Da iniciativa Mar das Illas, levada adiante ao longo dos anos 2017 a 2020, xurdiron experiencias turísticas hoxe plenamente consolidadas, como: “Mariñeiro por un día”, promovida polo Patrón Maior de Sanxenxo, Sauro Martínez Durán, que ofrece ao público a oportunidade de vivir unha xornada real de traballo a bordo.
As saídas de pesca no Novo Migueliño, de Severino Casal Diz, que permiten ás persoas visitantes embarcarse e coñecer de primeira man a vida e o esforzo da pesca tradicional.
As experiencias de marisqueo en compañía de mariscadoras, promovidas por Amarturmar, Mulleres do mar de Poio, Amarcarril, mariscadoras de Vilanova de Arousa e as mariscadoras de Mar da Pobra do Caramiñal que amosan o valor e a dureza dun oficio esencial para as rías galegas.
Pola súa parte, tamén dende o GALP Costa sostible se puxeron en marcha iniciativas de formación para promover a diversificación do sector que tiveron moi boa acollida no territorio dando lugar a iniciativas que verán pronto a luz a partir do traballo de colectivos de redeiras de Porto do Son, que comparten o seu coñecemento e o oficio de coser redes, sen as cales simplemente non habería pesca.
Estas iniciativas demostraron que o turismo mariñeiro é unha ferramenta eficaz para diversificar ingresos, sumar valor ao produto e fortalecer o vínculo entre mar e sociedade.
Sobre esta base constrúese agora Mar e Rías Pesca&Turismo, proxecto cofinanciado polo Fondo Europeo Marítimo da Pesca e da Acuicultura (70 %) e a Consellería do Mar 30 %
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
