A Xunta de Goberno deste venres sacou adiante catro acordos en diferentes municipios da Terra Chá, a Ribeira Sacra e a Mariña lucense para financiar proxectos que teñen que ver coa renovación de parques, instalacións deportivas ou equipamentos municipais
Lugo, 5 de decembro de 2025. A Xunta de Goberno da Deputación de Lugo aprobou 409.652€ para diferentes concellos da Terra Chá, A Ribeira Sacra e A Mariña lucense desenvolvan actuacións que teñen que ver coa renovación de parques, instalacións deportivas e equipamentos municipais. Así o informou o Deputado de Promoción Económica e Social, Pablo Rivera Capón, quen detallou que “tamén se deu luz verde a unha colaboración que reforzará o tecido asociativo da provincia”.
Nese sentido, a Deputación de Lugo aprobou destinar 50.000€ á Asociación Provincial de Reparación e Venta de Automóbiles e Recambios (APREVAR) para a creación dun novo módulo para a formación práctica do alumnado en vehículos híbridos, eléctricos e de hidróxeno. Rivera Capón destacou que “coa rápida evolución que está a vivir o sector da automoción, é necesario que APREVAR modernice e actualice as súas instalacións, garantindo así unha formación axeitada e acorde aos novos modelos e tecnoloxías que están a marcar o futuro do transporte”.
Con este investimento crearase un box na planta baixa, onde agora hai un almacén de carrocería; e ampliarase a aula de formación para adaptala á normativa do Ministerio. As obras que se van realizar implican o desmontado de tabiques e portas; o revestimento do teito e o chan; e a construción de divisións novas, entre outras actuacións.
Pablo Rivera recordou que a institución provincial apoia “de forma constante a esta entidade que leva case 50 anos representando e defendendo os intereses dos empresarios do sector da automoción da provincia”. Nesta liña, recordou que “recentemente, achegamos 40.000€ a APREVAR para comprar as instalacións de 2.500 metros cadrados que utilizan na Campiña; e destinamos outros 35.000 para formación semipresencial e dixitalización de contidos”.
Novos investimentos en Quiroga, Guitiriz, Xermade e Lourenzá
En canto aos outros acordos aos que tamén se deu luz verde nesta Xunta de Goberno, o Deputado provincial avanzou que “contribuirán a crear contornas máis seguras e atractivas que favorecerán a práctica deportiva e o ocio saudable”.
En Quiroga aprobouse un investimento de 50.000 euros para o acondicionamento e a renovación do Parque da Constitución, do Parque da Igrexa e do Parque da Praza de España. Entre as melloras que se van realizar destacan:
– No Parque da Constitución: renovarase a zona do areeiro infantil para mellorar a seguridade deste espazo; retiraranse os elementos deteriorados; instalarase unha tirolina e colocarase pavimento de caucho así como novos equipos de xogo infantil.
– No Parque da Igrexa: substituiranse varios elementos de xogo; arranxarase o pavimento de pedra e recolocaranse as lousas de caucho.
– No parque da Praza de España incorporarase un elemento de sombra para mellorar o confort deste espazo especialmente nos meses de maior calor.
En Guitiriz destínase un investimento de 50.000€ para as seguintes actuacións:
– Adquirir equipamento deportivo para o ximnasio municipal, unha instalación que se atopa en pleno núcleo urbano e é moi empregada por clubs e veciños do municipio. Con esta actuación mellorarase o equipamento deportivo deste complexo, unha dotación que contará con pesas de man ou discos entre outros elementos.
– Tamén relacionado co ámbito deportivo, este acordo servirá para incorporar un equipo de son para o pavillón municipal, lugar onde se desenvolven moitas actividades como ximnasia rítmica ou fútbol sala.
– Por último, realizarase o peche do campo da feira co que se mellorarán as condicións de uso e seguridade deste espazo que se atopa nunha vía de tránsito rodado.
En Xermade aprobouse un investimento de 50.000€ para:
– Ampliar o parque infantil situado na contorna do CEIP Plurilingüe no que se instalará pavimento de caucho; módulos de valado e varios xogos como bambáns ou balancís.
– E axudar ao Concello de Xermade a financiar a modificación dun proxecto que rehabilitará con fondos europeos a casa reitoral para convertela nun Centro Internacional da Torneiría.
Por último, en Lourenzá deuse luz verde a 209.652€ para realizar as seguintes melloras:
– Reformar o acceso ao centro de día; rexenerar beirarrúas na rúa Secretario Luís Iglesias; renovar o pavimento de vivendas sociais; mellorar a accesibilidade e as instalacións da piscina municipal; arranxar o chan da Ponte da Pedra; acondicionar zonas verdes e tapizar as butacas do salón de actos da casa consistorial.
– Ademais, tamén se contempla a colaboración con actividades culturais como o entroido, o Nadal, ou propostas teatrais; e tamén eventos deportivos entre os que se inclúe o torneo de baloncesto de Lourenzá en xogo ou a milla popular.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
