Ribadeo, 5 de decembro de 2025. Esta tarde arrincaron a pista de xeo e Ribaxogo. O Concello organiza un amplo programa de Nadal para todas as idades con obradoiros, teatro, musicais ou actividades deportivas.
O alcalde, Dani Vega, declarou: “hoxe comezan Ribaxogo, a pista de xeo e multitude de actividades durante este Nadal. Agradecer o traballo coordinado entre as Concellerías de Familia e Mocidade, que traballaron conxuntamente tamén para que todas as idades, todos os públicos, tiveran un Nadal para todos”.
O rexedor subliñou a importancia da pista de xeo: “a pista de xeo xa é algo referente en Ribadeo, destacar que na provincia é o único Concello que ten pista de xeo, acollemos xente desde Oviedo ata Coruña e tamén de toda a provincia e de toda Galicia, que ven moita xente a estas actividades, concretamente á pista de xeo. Entendemos que é un gran impulsor para o noso comercio e para a nosa actividade económica e nosoutros vamos seguir apostando por actividades para todas as idades e para todos os públicos e tamén Ribaxogo”.
Vega seguiu a relatar que “tamén hai que destacar que o 29 e o o 30 haberá actividades interactivas para toda a familia, para todas as idades. É importante que se pense en conciliar porque así as rapaces e os rapaces poden participar de todas as actividades. Cine en Cinelandia, tamén unha actividade cultural que debemos aproveitar e todos os musicais que vai haber aquí en Ribadeo, tanto o de Mago de Oz como o de Aladdín”.
E engadiu: “a chegada de Papá Noel por primeira vez en Ribadeo ou todo o que se está preparando na Cabalgata. A presenza tamén da Coral, da Banda Municipal, toda unha serie de actividades que hai que agradecer tamén a todos os colectivos, por exemplo o Magosto de Amigos da Gaita, agradecer tamén que se estea colaborando para enriquecer a vida cultural e o dinamismo que ten Ribadeo. Creo que é un Nadal, como dixen ao principio, para todas as idades, para todos os públicos, para facer de Ribadeo un referente de dinamismo e de actividades”.
O alcalde, concelleiras e concelleiros do equipo de goberno e representantes de Acisa asistiron á apertura da pista de xeo e de Ribaxogo.
Horarios
Pista de xeo do 5 de decembro ao 6 de xaneiro. Horarios de tarde de 16:30 a 21:00 horas. Fins de semana tamén pola mañá de 11 a 13 horas (excepto os días 13 e 14)
Pechada: 24 de decembro e 1 de xaneiro
Ribaxogo do 5 de decembro ao 6 de xaneiro. Aberto todas as tardes de 16:30 a 21 horas.
Pechado: 24 de decembro e 1 de xaneiro
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
