O Presidente asinou este martes un convenio de colaboración coa presidenta da Mancomunidade e Alcaldesa de Lourenzá, Rocío López, subliñando que “damos continuidade con 25.000€ ao noso compromiso co desenvolvemento turístico da Mariña, cos seus veciños e veciñas e coa xeración de riqueza no territorio”
Lugo, 9 de decembro de 2025. O Presidente da Deputación, José Tomé Roca, e a presidenta da Mancomunidade de Municipios da Mariña, Rocío López, asinaron este martes no Pazo de San Marcos un convenio de colaboración por importe de 25.000€ que permitirá impulsar á Mariña Lucense como xeodestino de referencia para reforzar a promoción turística da comarca e mellorar o posicionamento da marca A Mariña.
“Con esta achega damos continuidade a colaboración anual coa Mancomunidade Lucense, á que achegamos 25.000€ mantendo o compromiso co desenvolvemento turístico da comarca, cos seus veciños e veciñas e coa xeración de riqueza e emprego a través dun sector estratéxico que combina costa e montaña e ofrece unha experiencia única ao visitante”. José Tomé destacou que o turismo sostible e de calidade desempeña un papel crucial no desenvolvemento económico da Mariña, atraendo visitantes ao longo de todo o ano e deixando un valor no territorio en termos económicos e de emprego.
O convenio permitirá consolidar produtos turísticos sostibles, como o programa Plans con Corazón —16 rutas guiadas nos 16 concellos da Mariña—, os Obradoiros con Corazón xunto aos artesáns e artesás locais, e a rede Turismo Slow Norte de Galicia. Ademais, inclúe recursos para accións de comunicación e marketing, atención aos medios e coordinación das redes sociais da Mancomunidade, elementos clave para reforzar o posicionamento da Mariña tanto en Galicia como no norte de España.
Pola súa banda, a Presidenta da Mancomunidade, Rocío López, agradeceu á Deputación esta renovación, sinalando que “esta colaboración segue a ser imprescindible para realizar accións de promoción e comunicación da Mariña. Grazas a este apoio podemos consolidar os nosos produtos turísticos, dinamizar a comarca durante todo o ano e ofrecer experiencias únicas que poñen en valor a riqueza cultural, natural e gastronómica do noso territorio”.
O xeodestino está formado por tres comarcas ao norte da provincia de Lugo: A MariñaOccidental, A Mariña CentraleA Mariña Oriental. Estas comarcas comprenden 15 concellos: Alfoz, Barreiros, Burela, Cervo, Foz, Lourenzá, Mondoñedo, Ourol, A Pontenova, Ribadeo, Trabada, Valadouro, O Vicedo, Viveiro e Xove.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
