O delegado puxo en valor a dinamización da cultura en Galicia que fai o Goberno, investindo 23,8 M€ mediante o Bono no sector e repercutindo directamente tanto na creación artística como nas empresas vencelladas a el
Foz, 8 de xaneiro de 2026. O delegado do Goberno en Galicia, Pedro Blanco, subliñou esta mañá en Foz o éxito que representa o Bono Cultural Xove do Goberno de España en Galicia, onde leva beneficiados a 59.619 rapaces e rapazas desde a súa creación. Pedro Blanco deu conta do seu positivo impacto tanto para a xente nova como para o sector cultural na Librería Bahía de Foz, xunto ao alcalde da localidade, Fran Cajoto; a subdelegada do Goberno en Lugo, Olimpia López, e a súa xerente, Cielo Fernández, presidenta da Federación de Librarías de Galicia.
Pedro Blanco puxo en valor a dinamización da cultura en Galicia que fai o Goberno de España, investindo 6,6 M€ no sector con este programa no 2025 e un total de 23,8 millóns desde a súa posta en marcha. Mediante accións como a do Bono Cultural Xove repercute directamente no comercio e as pemes vencelladas a esta industria, que tamén nota o impulso do Goberno en eidos como o da propia creación cultural, xa sexa de tipo audiovisual, literario, etc.
En total, o ano pasado saíron beneficiados por esta axuda do Ministerio de Cultura preto de 16.500 mozos e mozas galegos, 1.551 na provincia de Lugo. Pedro Blanco destacou, seguindo esta liña, que a mocidade galega ve impulsado o seu interese pola cultura mediante as accións do Goberno, tales coma esta do Bono Cultural. Fixo fincapé en que este sector “supón todo un motor económico para a nosa terra, a maiores das propias implicacións sociais e artísticas”, e subliñou especialmente o eido literario xunto á presidenta da Federación de Librerías de Galicia, Cielo Fernández, xerente ademais do establecemento visitado.
En total, o Bono Cultural foi solicitado por 366.443 mozos que cumpren os 18 anos en 2025, distribuídos por todo o territorio español. A cifra supera en 27.835 o total de beneficiarios da edición anterior, que ascendeu a 338.608. Nestas catro edicións o número de mozos beneficiarios do programa alcanza un total de 1.309.059 en toda España.
Sobre o Bono Cultural
O Bono Cultural funciona cunha tarxeta prepago que o beneficiario pode ter de forma virtual ou recibir de forma física. Con esa tarxeta os mozos dispoñen dun ano e máis de 3.800 establecementos adheridos por toda España para poder utilizar os 400 euros asignados en experiencias e produtos culturais, coa seguinte distribución: 100 euros para produtos físicos, 100 para produtos dixitais e 200 para artes escénicas.
O obxectivo do Ministerio ten un dobre sentido: por unha banda, mostra o interese dun amplo espectro da poboación nova española pola cultura, que esta iniciativa axuda a asentar como público e consumidor cultural de cara ao futuro; e, doutra banda, ofrece un respaldo adicional ao sector cultural.
Novidades para o 2026
O Ministerio de Cultura está a estudar unha ampliación nos usos do Bono Cultural para que inclúan a creación e formación cultural e artística, para a próxima edición. Esta ampliación permitiría utilizar o importe do Bono na adquisición de instrumentos musicais e material para a creación artística, así como para o pago de talleres e cursos tanto presenciais como en liña. Ademais, desde o Ministerio está a traballarse activamente para que o Bono Cultural sexa máis accesible e chegue aos sectores de poboación máis vulnerables. Para iso, está a establecer colaboracións con entidades do terceiro sector, para que poidan difundilo e axudar a realizar o trámite de solicitude.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
