A rexedora denuncia anos de abandono dunha infraestrutura básica para a capital da Terra Chá, sen servizos mínimos nin información para as persoas usuarias
Vilalba, 17 de xaneiro, 2026. A alcaldesa de Vilalba, Marta Rouco, volveu esixir á Xunta de Galicia unha resposta inmediata ante o “estado de deterioro evidente” da estación de autobuses do municipio, unha infraestrutura que —segundo denuncia— leva anos sen servizos básicos nin un mantemento adecuado.
Rouco lembra que o Concello leva máis de dous anos reclamando unha actuación da administración autonómica que permita acondicionar o espazo e garantir unhas condicións dignas para as persoas usuarias do transporte público. “Falamos dunha infraestrutura con mantemento deficiente, acumulación recorrente de lixo e vexetación e sen ningún tipo de atención continuada”, sinala.
🚫 Sen servizos básicos nin información para os viaxeiros
A rexedora subliña que a situación se agrava pola ausencia total de servizos esenciais. “A estación non conta cun espazo axeitado para agardar resgardados da choiva ou do frío, non hai baños públicos e tampouco existe ningún sistema de información sobre horarios e rutas”, explica. Para Rouco, esta realidade “xera unha sensación absoluta de abandono e transmite unha imaxe moi negativa dunha das portas de entrada ao noso concello”.
⏳ Promesas sen avances desde 2025
A alcaldesa lembra que en xullo de 2025 a Dirección Xeral de Mobilidade trasladou ao Concello a intención de crear unha nova parada de autobuses e redefinir os usos da estación actual. Porén, seis meses despois, “non existe ningunha comunicación oficial nin avances concretos sobre esa suposta solución”. “Unha vez máis, as promesas quedan en palabras mentres a estación segue exactamente igual”, lamenta.
🌐 Vilalba, capital comarcal sen unha estación á altura
Rouco insiste en que Vilalba, como capital da Terra Chá e nó estratéxico nas comunicacións por estrada, “precisa e merece unha estación de autobuses en condicións, acorde ao seu papel comarcal e ás necesidades reais da poboación”.
A rexedora asegura que o Concello está a asumir tarefas de limpeza que non lle corresponden, pero lembra que a competencia é da Xunta. “Non pedimos nada extraordinario, só que se garantan uns servizos mínimos e unhas condicións dignas para os usuarios do transporte público”.
📢 Chamamento final á Xunta
Marta Rouco reclama “un compromiso real e inmediato” por parte do Goberno galego. “Vilalba non pode seguir esperando. Cada día que pasa sen solución é un día máis de abandono e de falta de respecto á nosa veciñanza”, conclúe.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
