O director xeral de Asistencia Sanitaria do Servizo Galego de Saúde, Alfredo Silva, interveu esta mañá na Comisión 5ª do Parlamento
Santiago de Compostela, 29 de xaneiro de 2026. O director xeral de Asistencia Sanitaria do Servizo Galego de Saúde, Alfredo Silva, remarcou hoxe no Parlamento galego que o programa Hermes, posto en marcha na área sanitaria de Lugo, A Mariña e Monforte de Lemos para a integración entre a atención primaria e a hospitalaria, permitiu resolver desde o centro de saúde de Vilalba máis de 800 actos asistenciais o pasado ano, reforzando deste xeito a capacidade resolutiva do centro de saúde.
O director xeral detallou na Comisión 5ª do Parlamento galego que este programa leva varios anos funcionando cun grao de adecuación alto, contando con vías prioritarias de derivación para todas as especialidades de referencia, consultas non presenciais entre médicos de familia e especialistas e circuítos consensuados para pacientes crónicos, mellorando, deste xeito, a continuidade asistencial e evitando desprazamentos innecesarios.
Tamén dixo Alfredo Silva que, no pasado ano, na área sanitaria de Lugo, A Mariña e Monforte de Lemos, preto de 7.000 pacientes se beneficiaron das vías prioritarias do Hermes, e máis de 21.000 pacientes das consultas non presenciais.
En consecuencia, moitas das consultas que antes obrigaban ao paciente a ir fisicamente ao hospital agora resólvense desde o propio centro de saúde, co apoio directo do especialista, gañando tempo, eficiencia e comodidade para o cidadán.
Na súa intervención, o director xeral tamén remarcou que na última oferta de emprego público do Servizo Galego de Saúde ofertáronse tres prazas de médico de familia para o centro de saúde de Vilalba: dúas delas xa están cubertas e a terceira quedou vacante porque a persoa que resultou adxudicataria optou por continuar noutro centro e, esa praza, será convocada novamente en próximas datas.
O representante de Sanidade incidiu na falta de médicos que está a acontecer en toda España, consecuencia da falta de planificación do Goberno central, que non pon solución a este problema que é da súa competencia.
Mentres o Ministerio de Sanidade non actúa, o Servizo Galego de Saúde está a organizar e planificar co obxectivo de que a cidadanía non quede sen atención, a través de reforzos de profesionais, intersubstitucións ou prolongacións voluntarias de xornada. Isto fai que a demanda asistencial en Vilalba estea cuberta todos os días.
Alfredo Silva detallou que o centro de saúde de Vilalba conta cunha dotación ordinaria de 11 prazas de medicina de familia e, na actualidade, están cubertas de maneira estable máis de sete (quenda de mañá). Ademais, existe outro facultativo que atende as urxencias e demandas derivadas de ausencias, co obxectivo de evitar sobrecargas. A quenda de tarde tamén está cuberta.
Polo que atinxe ao PAC, está totalmente cuberto sen ningunha vacante nin baixa.
Respecto da actividade, durante 2025 realizáronse máis de 76.800 consultas no centro de saúde de Vilalba, unha media de 6.000 ao mes, incluíndo atención domiciliaria.
Servizos especializados
Na súa intervención, o director xeral tamén incidiu nos novos servizos e a ampliación de persoal por parte do Sergas en Vilalba, como a hospitalización a domicilio desde o ano 2021, con 469 pacientes atendidos no pasado ano; a creación dunha nova praza de enfermería en quenda de tarde; a incorporación dunha segunda matrona; e a creación dunha praza de fisioterapeuta. Ademais, disponse periodicamente dos servizos dun nutricionista e dun psicólogo; e púxose en marcha a enfermería de apoio domiciliario que, no pasado ano, atendeu 321 pacientes.
Para rematar a súa intervención, o director xeral de Asistencia Sanitaria dixo que a Xunta seguirá a traballar co obxectivo de estabilizar o cadro de persoal e amosouse convencido de que, coa incorporación dos novos profesionais da oferta de emprego público, se dará un paso decisivo neste sentido.
Así mesmo, incidiu na súa petición ao Ministerio de Sanidade de que poña solución á falta de médicos en determinadas especialidades para poder fortalecer a sanidade pública.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
