Olimpia López subliñou a importancia de seguir impulsando iniciativas que contribúan a protexer vidas e a consolidar unha maior conciencia colectiva arredor da responsabilidade na estrada
Lugo, 6 de febreiro de 2026. A subdelegada do Goberno en Lugo, Olimpia López, mantivo esta mañá unha reunión co xefe da Xefatura Provincial de Tráfico, Alberto Rodríguez, na que analizaron as principais liñas de traballo que se desenvolverán ao longo deste ano para contribuír á redución das cifras de sinistralidade nas estradas da provincia.
Durante o encontro, a subdelegada puxo en valor a actuación firme da Xefatura Provincial de Tráfico e o seu compromiso coa seguridade viaria a través de políticas activas de prevención, formación e sensibilización social. Neste sentido, incidiu en que o factor humano segue a ser determinante na maior parte dos sinistros, polo que apelou á responsabilidade dos usuarios e usuarias da vía para extremar as precaucións e respectar as normas de circulación.
A Xefatura Provincial de Tráfico de Lugo continúa así desenvolvendo e reforzando diversas accións formativas e de sensibilización dirixidas a distintos grupos de poboación que responden a unha estratexia preventiva baseada na educación viaria e na concienciación cidadá.
Entre as actuacións previstas destaca a continuidade das actividades educativas no Parque Infantil de Tráfico de Lugo, nas que participan nenos e nenas de diferentes centros escolares da cidade. Estas accións, orientadas á adquisición de hábitos seguros desde idades temperás, ampliaranse proximamente a colexios doutros municipios da provincia para estender a cultura da seguridade viaria.
Así mesmo, a Xefatura Provincial de Tráfico prevé poñer en marcha, a mediados de abril de 2026, un Escape Room dirixido a adolescentes. Trátase dunha actividade innovadora e participativa que ten como finalidade concienciar sobre os riscos da condución baixo os efectos do alcohol e das drogas, a importancia de respectar as normas de tráfico e as graves consecuencias persoais e sociais dos sinistros viarios.
Por outra banda, desenvolveranse charlas e obradoiros destinados a persoas maiores, centrados na necesidade de manter as aptitudes psicofísicas adecuadas para a condución e na adopción de decisións responsables que garantan a seguridade propia e a do resto de usuarios da vía.
Con este conxunto de accións, a Xefatura Provincial de Tráfico de Lugo reafirma o seu compromiso coa seguridade viaria, apostando pola formación e a prevención como piares fundamentais para avanzar cara a unha mobilidade máis segura na provincia. A subdelegada reiterou, ademais, a vontade manifesta de seguir impulsando iniciativas que contribúan a protexer vidas e a consolidar unha maior conciencia colectiva arredor da responsabilidade na estrada.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
