Xove, 10 de febreiro, 2026. Ante a previsión de mal tempo, o Concello de Xove mantén a súa intención de celebrar o tradicional Desfile de Entroido polas rúas da localidade; porén, traballa nun plan alternativo que garanta a realización do evento no caso de que a tarde presente inclemencias meteorolóxicas.
Desde a Concellería de Cultura infórmase de que, como cada ano, o Concello está a organizar o Desfile de Entroido. Non obstante, e tras os temporais rexistrados recentemente na comarca, así como ante a posibilidade de condicións meteorolóxicas adversas, estase a preparar un plan alternativo que permita garantir a celebración do desfile sen modificar a data prevista.
O obxectivo desta decisión é evitar coincidencias con outros desfiles en concellos próximos, facilitando a participación da veciñanza e das persoas inscritas, e evitando interferencias na organización doutros entroidos da zona.
O punto de encontro manterase no lugar habitual de saída: a nave almacén municipal situada ao carón do campo de fútbol de adestramento e do IES Illa de Sarón. Nese espazo poderanse realizar inscricións de última hora e recoller dorsais pendentes entre as 15:00 e as 16:30 horas.
Unha vez reunidos todos os participantes, avaliarase a situación meteorolóxica do momento. Se as condicións non fosen axeitadas para realizar o desfile polo percorrido exterior, indicaráselles ás persoas inscritas que se despracen á carpa instalada na praza do Centro Cívico, onde recibirán instrucións claras e organizadas.
Na carpa haberá carteis explicativos coa sinalización necesaria para que cada participante se sitúe correctamente no seu posto de saída segundo a categoría na que estea inscrito, facilitando así o desenvolvemento do desfile a pesar do mal tempo.
Unha vez colocados todos os participantes nos seus postos baixo a carpa, serán chamados por megafonía e desfilarán cruzando un corredor habilitado no interior do pavillón municipal. Accederán polo portón situado na zona da praza, cruzarán o pavillón en diagonal e sairán polo portón que dá acceso ao Centro de Saúde de Xove.
O Concello de Xove agradece a colaboración e comprensión de todas as persoas participantes e anima a veciñanza a gozar do Entroido mantendo o espírito festivo que caracteriza esta celebración, sempre con seguridade.
Para este Plan B, a Concellería de Cultura agradece especialmente a colaboración de todas as persoas participantes —individuais, parellas, grupos e carrozas— para que, entre todas e todos, se poida plantar cara ao mal tempo e garantir a celebración dun entroido familiar que, partindo practicamente da nada, conseguiu situarse no mapa dos desfiles da Mariña.
Así mesmo, agradécese á veciñanza e ao público asistente a súa colaboración, mantendo as distancias e seguindo as indicacións da organización e do persoal de vixilancia municipal, co fin de que o desfile se desenvolva con precaución e primando en todo momento o bo humor, a convivencia e a seguridade.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
